APREL MANYAKLAR AYIDIR
AZƏRTAC Rusiya KİV-lərinə istinadla xəbər verir ki, alim-enioloqlar tədqiqatlar nəticəsində belə qənaətə gəlmişlər ki, aprel ayında fəallıq kəskin azalır, bu isə dəyişkən psixikalı adamları qeyri-adekvat hərəkətlərə sövq edir.
Mindən çox könüllünün psixoenergetik davranışını uzun illər tədqiq edən alimlər hesab edirlər ki, manyaklar Krasnoyarsk, Moskva vilayəti və Samarada uşaqları qüvvələrinin mövsümi tükənməsinin təsiri altında qətlə yetirmişlər. Enioloqların fikrincə, aprelin axırında Rusiyanı uşaqlara qarşı zorakılıq dalğası bürüyəcəkdir.
Krasnoyarskda Eniologiya İnstitutunun əməkdaşları çoxillik tədqiqatlar əsasında insanın psixofiziki fəallığının cədvəlini tərtib etmişlər. Nəticələr isə şoka salır.
İnstitutun direktoru, biologiya elmləri namizədi Yuri Svetloqorov demişdir: “Tədqiqatlar göstərmişdir ki, insan orqanizminin psixofiziki fəallığının azalmasının aşağı nöqtəsi aprel ayına təsadüf edir. İstehsalat zədələrinin və fövqəladə vəziyyətlərin sayının artması məhz bu dövrə düşür. Hətta ən sağlam adamlar aprel ayında ruh düşkünlüyünə və sıxıntıya məruz qalırlar. Psixoloji fəallığın azalması ruhi xəstələrə çəkic zərbəsi təsiri göstərir. Onlar adekvat fikirləşə bilmir, tez qıcıqlanır və təcavüzkar olurlar.
İnstitut əməkdaşlarının bu qənaətini tibb işçiləri də təsdiqləyirlər. Həqiqətən, adamlar daxili xəstəliklərin şiddətlənməsi və ruh düşkünlüyü ilə əlaqədar şikayətlərə daha çox apreldə müraciət edirlər.
Bölmənin digər xəbərləri
