AŞPA-NIN YAY SESSİYASI BAŞA ÇATMIŞDIR
AZƏRTAC-ın xüsusi müxbiri xəbər verir ki, iyunun 27-də Avropa Şurası Parlament Assambleyası yay sessiyasının son iclasında “Uşaqlarda zorakılığın ilkin əlaməti: yeni doğulanların atılması”, “Türkiyənin Gökçeada və Bozcaada türk adaları Türkiyə və Yunanıstan arasında əməkdaşlığın xalqların marağında yeni model kimi” məsələləri müzakirə edilmişdir.
Birinci məsələ ilə əlaqədar həddindən artıq gənc, kasıb və xəstə analar dünyaya gətirdikləri körpələri problem yaratdığından çox vaxt onları atmalı olurlar. Digər ən ağrılı vəziyyət isə yeni doğulanların gizli yollarla başqa ölkələrə daşınmasıdır. Avropa Şurası bu hallara qarşı kəskin mövqeyini bildirmiş, körpələrin, ümumilikdə uşaqların təhlükəsizliyinin təmin edilməsi barədə deputatlar tərəfindən çağırışlar səslənmişdir.
İkinci mövzu ətrafında həm məruzəçi, həm də deputatlar Türkiyə Respublikasının Gökçeada və Bozcaada adalarında yaşayan və azlıq təşkil edən yunanların təhsilini, mədəniyyətini inkişaf etdirmək sahəsində Türkiyə tərəfinin xoşməramlı addımlar atacağına, Avropanın yaxşı qonşuluq prinsiplərindən çıxış edəcəyinə əmin olduqlarını bildirmişlər.
Bununla da AŞPA-nın yay sessiyası başa çatmışdır.
Bölmənin digər xəbərləri
