ASTRONOMLAR FƏZADA BÖYÜK BOŞLUQ TAPMIŞLAR
AZƏRTAC Assoşieyted Press agentliyinə istinadla xəbər verir ki, ABŞ astronomları kainatda 1milyard işıq illik boşluq aşkar etmişlər. Bu məsafədə (müqayisə üçün Yerdən Günəşədək məsafə 8,3 işıq dəqiqəsidir) heç bir kosmik obyekt yoxdur. On milyard trilyon kilometrlərlə məsafədə nə qalaktika, nə ulduz, nə “qara dəlik”, nə də müəmmalı “qara maddə” vardır.
Alimlərin fikrincə, iri kütləli obyektlər kosmik fəzanın çox da sıx olmayan hissələrində maddələri cəzb edirlər. 13 milyard ildir ki, kosmosda bu proseslər baş verir.
Vaxtılə NASA milli aerokosmik agentliyinə işləmiş astronom Lourens Rudnik demişdir ki, kəşf onunla əhəmiyyətlidir ki, orada heç nə yoxdur.
Bölmənin digər xəbərləri
