AVARLI QAYIQLA DÜNYA SƏYAHƏTİNƏ
O, səyahətə Londondakı okean avarçıları klubunun reqatası ilə yola düşmüşdür. Lakin səyyahlardan hər biri öz marşrutunu müstəqil müəyyənləşdirirdi. Pavel Rezvoy Kanar adaları boyu cənuba, Yaşıl Burun adalarına üz tutmuş və hər gün təxminən 70 kilometr məsafə qət etmişdir. Xoşbəxtlikdən, açıq okeanda fövqəladə vəziyyət yaranmamış, təkcə telefon sıradan çıxmış, sükan sınmış və peykdən qayığın hərəkətini izləməyə kömək edən cihaz bir neçə dəfə dayanmışdır.
Lvovluya uzaq səyahətə çıxdığı qayığı Temzadakı akademik qayıq yarışları klubundan olan həmkarları hədiyyə etmişdilər. Londonlular qayığı ukraynalı səyyaha həvəslə etibar etmiş, lakin bir şərt qoymuşdular: qayığın “Merion” adı dəyişməməlidir. Bununla belə, qayığın adına “Lvov” sözünü əlavə etməyə icazə vermişdilər.
Məlum olduğu kimi, üç il bundan əvvəl 57 yaşlı amerikalı Riçard Cons birnəfərlik avarlı qayıqda Atlantik okeanını üzüb keçmişdir.
