AVROPA MUSİQİSİ AXŞAMI
AZƏRTAC xəbər verir ki, Mədəniyyət Nazirliyinin, “Azərkonsert” Dövlət Qastrol-Konsert Birliyinin və digər təşkilatların dəstəyi ilə keçirilən konsertdə klassik Avropa musiqisi səslənmişdir.
Kamera orkestrinin müşayiəti ilə Liliana Seyid (metso-soprano) Rossini, Maskani, Ponkelli, Verdi və digər bəstəkarların operalarından parçaları, Donisetti və Ştrausun əsərlərini, Şükür Səmədov (klarnet), Dilarə Mehdiyeva (skripka), Elman Mustafayev (fleyta) Rossini, Paqanini və Debüssinin əsərlərini ifa etmişlər. Bakıdakı diplomatik korpusun nümayəndələrinin də iştirak etdikləri konsert böyük maraqla qarşılanmışdır.
Bölmənin digər xəbərləri
