DÜNYA
Avropada Advent həftəsi başlanıb
Budapeşt, 28 noyabr, AZƏRTAC
Avropada dünən ilk Advent həftəsi start götürüb.
AZƏRTAC xəbər verir ki, Avropanın milyonlarla sakini bu günü səbirsizliklə gözləyirdilər. Advent Milada hazırlıq dövrünə deyilir. Bu ərəfədə xristianlar ənənəyə görə mənəvi düşüncələrə və xeyriyyəçiliyə daha çox diqqət ayırırlar. Bundan başqa, bu həftələrdə bir çoxları qabaqcadan Milad hədiyyələri seçməyə, yarmarkalara getməyə, gələcək bayram masası üçün korlanmayan ərzaqlar almağa başlayırlar.
Bazar günü axşam avropalılar ənənəvi olaraq masalarını bəzədikləri Advent çələngi üzərindəki dörd şamdan birini yandırırlar. Birinci şam “Peyğəmbərlər şamı” adlandırılır. Bu, Xilaskarın doğulması möcüzəsinin gözlənilməsi mənasını verir və onun dünyaya gəlməsini qabaqcadan xəbər verən peyğəmbərlərə həsr olunur.
Qeyd edək ki, pandemiya dövründə Avropada virus təhlükəsizliyi baxımından Milad tədbirlərinin böyük hissəsi ləğv olunmuşdu.
Pərvanə Qarayeva
AZƏRTAC-ın xüsusi müxbiri
Budapeşt
MÜƏLLİFLƏ ƏLAQƏ
Bölmənin digər xəbərləri
- 20.05.2024 [17:37]
Monteneqro müstəqilliyinin 18-ci ildönümünü qeyd edir
- 20.05.2024 [16:57]
Əfqanıstanda avtobus qəzasında 5 nəfər ölüb, 11 nəfər yaralanıb
- 20.05.2024 [16:49]
Hindistanda avtomobilin dərəyə aşması nəticəsində 18 nəfər ölüb
- 20.05.2024 [16:30]
İndoneziyanın İbu vulkanı beş kilometr hündürlüyə kül püskürüb
- 20.05.2024 [16:17]
Siqaret hər il Laosda 6700 nəfərin ölümünə səbəb olur
- 20.05.2024 [16:10]