AVROPADA ƏRƏFATI MÜDAFİƏ EDİRLƏR
AZƏRTAC-ın xarici informasiya agentliklərindən aldığı xəbərə görə, Avropanın aparıcı ölkələri İsrailə təzyiqi gücləndirmiş və Yasir Ərəfatın təcrid olunması siyasətini dayandırmağı tələb edirlər. Bu meyl İsrailin xarici işlər naziri Silvan Şalomun almaniyalı və hollandiyalı həmkarları ilə Maastrixtdəki görüşündə özünü büruzə vermişdir.
Yoşka Fişer və Ben Bot dövlət lideri kimi Ərəfatın pərəstişkarları olmadıqlarını bildirsələr də demişlər ki, hələlik başqası olmadığından onunla danışıqları bərpa etmək lazımdır.
Silvan Şalom isə buna cavab olaraq demişdir ki, Ərəfat terrorçudur və sülh prosesində heç bir müsbət rol oynaya bilməz və İsrail onun təcrid olunması siyasətini davam etdirəcəkdir.
Bölmənin digər xəbərləri
