Avrozonada iqtisadi inam indeksi geriləyib
Roma, 28 sentyabr, AZƏRTAC
Avrozonada iqtisadi inam indeksi sentyabr ayında 0,3 bənd azalaraq 96,2 təşkil edib.
AZƏRTAC xəbər verir ki, bu barədə Avropa Komissiyası məlumat yayıb.
Avrozonada iqtisadi inam indeksi avqustda 96,5 təşkil etmişdi. Bildirilir ki, hesabat ayında Avropa Birliyində iqtisadi inam indeksi isə 96,7 səviyyəsində sabit qalıb.
Məlumata görə, sentyabrda Avrozonada istehlakçı inamı indeksi mənfi 12,9 olub.
Nihad Budaqov
AZƏRTAC-ın xüsusi müxbiri
Roma
Bölmənin digər xəbərləri
