AVSTRİYA DİRİJORU BAKIDA ÇIXIŞ EDƏCƏK

03.11.2004 [11:39]
Çap et
A⁺ A^-

AZƏRTAC xəbər verir ki, noyabrın 12-də Müslüm Maqomayev adına Azərbaycan Dövlət Filarmoniyasında Avstriya dirijoru Kornelya fon Kerssenbrofk Üzeyir Hacıbəyov adına Azərbaycan Dövlət simfonik orkestri ilə birlikdə çıxış edəcəkdir. Konsertdə məşhur bəstəkarlardan F.Mendelsonun, A.Dvorjakın və İ.Bramsın ölməz əsərləri səslənəcəkdir.

Müasir dövrün ən məşhur qadın dirijorlarından biri Kornelya fon Kerssenbrofk nüfuzlu beynəlxalq müsabiqələrin iştirakçısı olmuş, Avstriyanın ali mükafatlarına layiq görülmüşdür. Hazırda K.Kerssenbrofk Avropanın bir çox aparıcı və məhşur orkestrlərinə rəhbərlik edir. Dünyamiqyaslı dirijor Almaniyada keçirilən Çiemqau Beynəlxalq Musiqi Festivalında Motsartın “Seraldan qaçırılma”, Puççininin “Toska” operalarına, Almaniya və Polşanın opera teatrlarında bir çox məşhur əsərlərə, həmçinin Azərbaycan Dövlət Akademik Opera və Balet Teatrında C.Verdinin “Riqoletta” operasına böyük məharətlə dirijorluq etmişdir.

AVSTRİYA DİRİJORU BAKIDA ÇIXIŞ EDƏCƏK

MÜƏLLİFLƏ ƏLAQƏ

Bölmənin digər xəbərləri