“AVSTRİYA KENQURULAR ÖLKƏSİ DEYİLDİR!”
Avstriyalılar əcnəbilərə öz ölkəsinin ekzotik kisəli heyvanların məskəni olmadığını, onların Avstriya ilə Avstraliyanı səhv saldıqlarını izah etməkdən təngə gəlmişlər. Avstriya ilə Avstraliyanın müxtəlif ölkələr olduğunu “kütbeyin” turistlərə anlatmaq üçün təşviqat loqotipli futbolçu maykaları istehsal etmək qərara alınmışdır.
Lakin bu günlərdə Alp respublikası sakinlərinin narazılığına rəğmən, ölkədə baytar həkimindən qaçmış kenqurunun axtarıldığı barədə xəbər yayılmışdır. Kisəlini çox böyük səylə axtarmağa başlamışlar. Axtarışları yerli telestansiya və qəzetlər, daha sonra dünya KİV-ləri geniş işıqlandırmışlar.
Təşviqat məqsədli futbolçu maykalarının istehsalçıları indi təəssüflə deyirlər: “Görünür, biz bu maykaların istehsalına əbəs yerə başlamışıq”. Axı, Alp dağlarında kenquru ilə bağlı hadisədən sonra əcnəbilər arasında bu kisəlilərin məhz Avstriyada məskunlaşdıqları fikri daha da möhkəmlənəcəkdir.
Bölmənin digər xəbərləri
