AVSTRİYA PREZİDENTİ VƏFAT ETMİŞDİR
AZƏRTAC xəbər verir ki, Avstriya Dövlət İnformasiya Agentliyinin yaydığı məlumata görə, ölkə prezidenti Tomas Klestil iyulun 7-də gecə Vyananın ümumi profilli klinik xəstəxanasında vəfat etmişdir. Dövlət başçısı ürəyinin dayanması və ağ ciyərinin funksiyasının pozulması ilə əlaqədar bazar ertəsi buraya ağır vəziyyətdə gətirilmişdi.
Tomas Klestil öz prezident səlahiyyətləri müddətinin bitməsinə 36 saat qalmış dünyasını dəyişmişdir. O, Avstriya dövlətinin rəhbəri kimi həmin səlahiyyətləri 12 il icra etmişdir.
Bu ilin yazında Avstriya prezidenti seçilən Haynts Fişer demişdir: “Tomas Klestilin fəaliyyəti öz borcunu son nəfəsinədək yerinə yetirməyə nümunə ola bilər”.
Bölmənin digər xəbərləri
