“AVTOMOBİLSİZ ŞƏHƏR” GÜNÜ
İTAR-TASS agentliyi xəbər verir ki, sentyabrın 21-də Brüsseldə Beynəlxalq “Avtomobilsiz şəhər” günü münasibətilə maşınların hərəkəti tamamilə dayandırılmışdır. Həmin gün hakimiyyət orqanları, ictimai nəqliyyat, taksi və təchizat nəqliyyatı istisna olmaqla, şəhərin bütün küçələrində avtomobillərin hərəkətinə qadağa qoymuşdur.
Bununla ikinci dəfədir ki, Brüssel avtomobil nəqliyyatı hərəkətinin bütün gün ərzində dayandırıldığı yeganə Avropa paytaxtı olur. “Avtomobilsiz şəhər” günü Beynəlxalq komitəsindən bildirmişlər ki, tədbirin keçirilməsinin qlobal miqyası xeyli azalmışdır. Əgər 2002-ci ildə həmin gün dünyanın 1353 şəhərində keçirilmişdisə, cari ildə bu rəqəm 967-yə enmişdir.
Bölmənin digər xəbərləri
