AXTARIŞ QRUPU FƏALİYYƏTDƏDİR
Azərbaycan Qızıl Aypara Cəmiyyətinin Mingəçevir regional mərkəzi nəzdində yaradılmış axtarış qrupu səkkiz ildən bəri övladları Əlı ilə əlaqələrini itirmiş Rüstəmovlar ailəsinin üzüntüsünə son qoymuşlar. Valideynləri oğullarının Tümen vilayətində sağ-salamat yaşadığını öyrənmişlər.
AZƏRTAC-ın müxbiri xəbər verir ki, tənha qadın Nadejda Rıbkina da on ildən çox ünvanını bilmədiyi bacısını Stavropolda tapmışdır. Bu xeyirxah işdə Rusiya Qırmızı Xaç Cəmiyyətinin üzvləri azərbaycanlı həmkarlarına yaxından kömək göstərmislər.
