AXTARIŞDA OLANLAR TUTULUR
Daxili İşlər Nazirliyinin mətbuat xidmətindən AZƏRTAC-a bildirmişlər ki, ötən gün respublika ərazisində keçirilmiş əməliyyat tədbirləri nəticəsində Cinayət Məcəlləsinin müxtəlif maddələri ilə axtarışda olan 14 cinayətkar tutularaq istintaq orqanlarına təhvil verilmiş, qanunsuz silah-sursatın yığılması ilə bağlı 3, narkotiklərlə əlaqəli 2 fakt aşkarlanmışdır.
Gün ərzində 9 cinayət hadisəsi qeydə alınmışdır ki, onların da hamısının üstü isti izlərlə açılmış, müxtəlif növ cinayət törətdiklərinə görə 24 nəfər tutulmuşdur. Səkkiz yol-nəqliyyat qəzasında 7 nəfər ölmüş, doqquz adam yaralanmış, dörd yanğın hadisəsi baş vermişdir.
Bölmənin digər xəbərləri
