AXTARIŞDA OLANLAR TUTULUR
Daxili İşlər Nazirliyinin mətbuat xidmətindən AZƏRTAC-a bildirmişlər ki, iyunun 18-də respublika ərazisində keçirilmiş əməliyyat tədbirləri nəticəsində Cinayət Məcəlləsinin müxtəlif maddələri ilə axtarışda olan 9 cinayətkar tutularaq, istintaq orqanlarına təhvil verilmiş, qanunsuz saxlanılan silah-sursatın yığılması ilə bağlı 3, narkotiklərlə əlaqəli 9 fakt aşkarlanmışdır.
Gün ərzində 14 cinayət hadisəsi qeydə alınmışdır ki, onların da 12-nin üstü isti izlərlə açılmış, müxtəlif növ cinayət törətmiş 18 nəfər tutulmuşdur. Altı yol-nəqliyyat qəzasında iki nəfər ölmüş, 14 adam yaralanmışdır. Dörd yanğın hadisəsi baş vermişdir.
Bölmənin digər xəbərləri
