AXTARIŞDA OLANLAR TUTULUR
Daxili İşlər Nazirliyinin mətbuat xidmətindən AZƏRTAC-a bildirmişlər ki, iyulun 26-da respublika ərazisində keçirilmiş əməliyyat tədbirləri nəticəsində Cinayət Məcəlləsinin müxtəlif maddələri ilə axtarışda olan 11 cinayətkar tutularaq, istintaq orqanlarına təhvil verilmiş, qanunsuz saxlanılan silah-sursatın yığılması ilə bağlı 3, narkotiklərlə əlaqəli 5 fakt aşkarlanmışdır.
Gün ərzində 18 cinayət hadisəsi qeydə alınmışdır ki, onların da hamısının üstü isti izlərlə açılmış, müxtəlif növ cinayət törətmiş 27 nəfər tutulmuşdur. Dörd yol-nəqliyyat qəzasında 2 nəfər ölmüş, 4 adam yaralanmışdır. Baş vermiş 14 yanğın hadisəsi zamanı 1 nəfər dünyasını dəyişmişdir.
Bölmənin digər xəbərləri
