AXTARIŞDA OLANLAR TUTULUR
Daxili İşlər Nazirliyinin mətbuat xidmətindən AZƏRTAC-a verilən məlumata görə, ötən gün respublika ərazisində qeydə alınmış 30 cinayət hadisəsindən 27-nin üstü isti izlərlə açılmışdır. Keçirilmiş əməliyyat tədbirləri nəticəsində Cinayət Məcəlləsinin müxtəlif maddələri ilə axtarışda olan 9 nəfər tutularaq istintaq orqanlarına təhvil verilmişdir.
Daxili işlər orqanları əməkdaşları tərəfindən narkotiklərlə əlaqədar 10, qanunsuz saxlanılan silah-sursatla bağlı 6 fakt müəyyən edilmiş, cinayət törətdiklərinə görə 29 nəfər tutulmuşdur. Üç yol nəqliyyatı hadisəsində 5 nəfər ölmüş, 3 adam yaralanmışdır. Gün ərzində bir yanğın baş vermişdir.
Bölmənin digər xəbərləri
