AXTARIŞDA OLANLAR TUTULURLAR
Daxili İşlər Nazirliyinin mətbuat xidmətindən AZƏRTAC-a bildirmişlər ki, ötən gün ərzində respublika ərazisində keçirilmiş əməliyyat tədbirləri nəticəsində Cinayət Məcəlləsinin müxtəlif maddələri ilə axtarışda olan 4 cinayətkar tutularaq, istintaq orqanlarına təhvil verilmiş, qanunsuz silah-sursat saxlanılması ilə bağlı 1, narkotiklərlə əlaqədar 2 fakt aşkarlanmışdır.
Gün ərzində qeydə alınmış 15 cinayət hadisəsindən 7-nin üstü isti izlərlə açılmış, müxtəlif növ cinayət törətdiklərinə görə 10 nəfər tutulmuşdur. Yeddi yol-nəqliyyat qəzasında 4 nəfər ölmüş, 8 adam yaralanmış, iki yanğın hadisəsi baş vermişdir.
Bölmənin digər xəbərləri
