Azərbaycan Dövlət İnformasiya Agentliyi

AZƏRBAYCAN PREZİDENTİ İLHAM ƏLİYEVİN NİTQİ



-Əziz dostlar!

Hörmətli xanımlar və cənablar!

Əziz idmançılar!

İlk növbədə, bu gözəl hədiyyələrə görə sizə öz təşəkkürümü bildirmək istəyirəm. Bu hədiyyələr mənim üçün çox əzizdir. Çünki onlar bizim idman ictimaiyyətinin gördüyü işləri əks etdirir. Həm fotoşəkil, eyni zamanda, Milli Paralimpiya Komitəsinin hədiyyələri, idmançıların, hərbçilərin hədiyyələri bir daha onu göstərir ki, Azərbaycanda idman çox sürətlə və hərtərəfli inkişaf edir. İdmanın bütün növləri inkişaf edir, eyni zamanda, idman cəmiyyətləri, müxtəlif qurumlar, federasiyalar, Milli Olimpiya Komitəsi, Gənclər və İdman Nazirliyi həmişə olduğu kimi, 2006-cı ildə də bir komanda şəklində fəaliyyət göstərmişlər. Bu, Azərbaycanda son illər ərzində idman sahəsində əldə edilən uğurların əsas amili, əsas səbəbidir. Azərbaycanda bütün aidiyyəti orqanlar səmərəli işləyirlər, bir-biri ilə daim əlaqədədirlər. Əsas məqsəd ondan ibarətdir ki, Azərbaycanın idman potensialı möhkəmlənsin, maddi-texniki baza güclənsin və idmançıların beynəlxalq yarışlarda uğurlu çıxışları təmin edilsin.

Bizim görüşlərimiz ənənəvi xarakter daşıyır. Hər ilin sonunda bu görüşlər keçirilir, məsələlər müzakirə olunur. Artıq qeyd edildi ki, Milli Olimpiya Komitəsi İcraiyyə Komitəsinin toplantısında hesabat-məlumat dinlənilmişdir. Yəni bu gün buna bir daha qayıtmağa ehtiyac yoxdur. Hər ilin sonunda idmançıları mükafatlandırırıq, idman xadimlərinin fəaliyyətini qiymətləndiririk və bütövlükdə, idman ilinə yekun vururuq. Deyə bilərəm ki, 2006-cı il bu baxımdan uğurlu olmuşdur. Azərbaycanın bütün sahələrindəki kimi, idman sahəsində də sevindirici anlar çox olmuşdur. İlk növbədə, idmançılarımızın beynəlxalq yarışlarda uğurlu çıxışı bizi çox sevindiribdir. 287 medalın qazanılması çox böyük nəticədir. Nəzərə alaq ki, bu gözəl ənənə uzun illərdir yaşayır, Azərbaycanın idman potensialı möhkəmlənir, yeni gənc nəsil yetişir, yeniyetmələr artıq öz imkanlarını gücləndirirlər. 10 il bundan əvvəl uşaq idmanında məşğul olanlar bu gün artıq Azərbaycanın milli komandalarını beynəlxalq yarışlarda təmsil edirlər. Bu, çox önəmlidir. Çünki gənc nəslin idmanla məşğul olması hər bir ölkənin idman potensialının möhkəmlənməsi deməkdir. Biz çox şadıq ki, Azərbaycanda idmana maraq artmaqdadır. Yəni maraq nəinki azalmır, hətta artır. Çünki Azərbaycanda idmançı olmaq çox şərəfli bir işdir. İdman şöhrətinin qaldırılması, idmançılara olan qayğı və onların cəmiyyətdəki rolu, əlbəttə, uşaqları da idmanla məşğul olmağa sövq edir. Bu, çox vacib bir amildir.

Digər tərəfdən, əlbəttə, müasir idman infrastrukturunun yaradılması. Əgər bunlar olmasa, idmanı inkişaf etdirmək mümkün olmayacaqdır. Yəni, bu müxtəlif amillər birləşəndə, hər bir ölkədə idman uğurları da müşahidə olunur və Azərbaycanda bunlar var.

Qeyd etdiyim kimi, bütün idman qurumları bir məqsədə qulluq edir. İdmanın maddi-texniki bazası möhkəmlənir. Bildiyiniz kimi, Azərbaycanda indi regionların sosial-iqtisadi inkişafı Dövlət proqramı icra edilir. Ancaq hamımız yaxşı bilirik ki, regionlarda yeni müasir qurğuların tikilməsi məhz idman obyektlərindən başlanmışdır. 2000-ci ildə biz bu təşəbbüslə çıxış etdik və ondan sonra Azərbaycanın müxtəlif bölgələrində çox müasir, gözəl idman kompleksləri tikilibdir. Bu tikintilər davam edir, indi 10 rayonda yeni idman kompleksləri tikilir və əlbəttə ki, tam dünya standartlarına cavab verəcəkdir.

Mingəçevir avarçəkmə bazasında, nəhayət ki, işlər başlanır və 2007-ci ildə bazanın tamamilə yenidən qurulması nəzərdə tutulur. Bu, beynəlxalq səviyyəli bir baza olacaqdır. İdman qurğularının tikintisi, əlbəttə, idmançılar üçün də böyük dəstəkdir və gənc nəslin yetişməsi üçün vacib məsələdir. Bu, bir tərəfdən. Digər tərəfdən, təlim-məşq toplanışlarının vaxtlı-vaxtında keçirilməsi, peşəkarlıq səviyyəsinin qaldırılması, gündəlik həyatda idmançılara olan münasibət, idman cəmiyyətlərinin möhkəmlənməsi - bütün bu amillər Azərbaycanda idmanın inkişafına xidmət edir.

Azərbaycanda idmanın həm olimpiya, həm də qeyri-olimpiya növləri bərabər hüquqa malikdir. Heç bir ayrı-seçkilik yoxdur və bu siyasət Azərbaycanda uzun illərdir aparılır. İstər olimpiya idman növü ilə, istərsə də qeyri-olimpiya idman növü ilə məşğul olan idmançılara biz həmişə eyni gözlə baxırıq. Bu, belə də olmalıdır. Çünki hər bir idmançı beynəlxalq yarışlarda Azərbaycanın idman şöhrətini ucaldır. İndi dünyada idmana yeni prizmadan yanaşırlar, xüsusilə olimpiya hərəkatına. Ölkələr olimpiya oyunlarında öz aralarında mübarizə aparırlar. Bəlkə də bu - olimpiya oyunları, olimpiya hərəkatı yeganə geniş sülhməramlı mübarizə formatıdır. Azərbaycan da olimpiya hərəkatında çox fəal bir ölkədir. Bizim səylərimiz, təşəbbüslərimiz və əldə etdiyimiz nailiyyətlər beynəlxalq və Avropa olimpiya komitələri tərəfindən daim qeyd olunur. Bölgədə idmanın inkişafı üçün Azərbaycanın rolu da artıq hamı üçün bəllidir. Azərbaycanda keçirilən mötəbər beynəlxalq yarışlar beynəlxalq idman aləminin ölkəmizə olan münasibətinin əlamətidir. Bu bir daha göstərir ki, biz ən böyük, ən geniş beynəlxalq idman yarışlarının keçirilməsində çox səriştəliyik. Əlbəttə, bu ona gətirib çıxarır ki, növbəti idman yarışları da Azərbaycanda keçirilir.

Məsələn, 2007-ci il bu baxımdan çox əhəmiyyətli olacaqdır. Güləşin bütün növləri üzrə dünya çempionatı Azərbaycanda keçiriləcəkdir. Eyni zamanda, bədii gimnastika üzrə Avropa çempionatı Azərbaycanda keçiriləcəkdir. Bu çempionatın keçirilməsinin tarixi də çox maraqlıdır. Çünki əvvəl çempionatın başqa ölkədə keçirilməsi nəzərdə tutulmuşdur. Amma sonra müəyyən səbəblərə görə bu, baş tutmadı və Beynəlxalq Bədii Gimnastika Federasiyası Azərbaycandan xahiş etdi ki, çempionata ev sahibliyi etsin. Nəzərə alınıb ki, ölkəmizdə dünya çempionatı ən yüksək səviyyədə keçirilmişdir. Bu məqsədlə, yəni bu iki çempionatı yüksək səviyyədə keçirmək üçün indi Heydər Əliyev adına İdman-Konsert Kompleksində böyük yenidənqurma, bərpa işləri görülür. Bildiyiniz kimi, bir müddət bundan əvvəl orada təmir işləri aparılmışdı. İndiki təmir işləri bu gözəl idman obyektini ən yüksək dünya səviyyəsinə çatdıracaqdır.

2007-ci il Pekin Yay Olimpiya oyunlarına hazırlıq baxımından da çox böyük əhəmiyyət kəsb edir. Demək olar, həlledici il olacaqdır. Əminəm ki, 2007-ci ildə bizim idmançılarımız beynəlxalq yarışlarda yaxşı nəticələr göstərəcəklər. Ondan sonra yəqin lisenziya turnirləri başlanacaq və maksimum çalışmalıyıq ki, lisenziyaları əldə edək. 2008-ci ildə keçiriləcək Yay Olimpiya oyunları da yəqin ki, daha da gərgin olacaqdır. Çünki dünyada rəqabət artır. Artıq müxtəlif ölkələrdə, hətta böyük idman ənənələri olmayan ölkələrdə idmana böyük diqqət göstərilir və idman ölkələrin ictimai həyatında mühüm amilə çevrilir. Yəni biz bilirik ki, rəqabət çox güclü olacaqdır. Ona görə gərək müxtəlif idman növlərində yaxşı hazırlaşaq. 2007-ci ildə, ilin sonuna qədər təxminən bilməliyik ki, biz olimpiya oyunlarında hansı heyətlə iştirak edəcəyik. Müstəqil Azərbaycanın olimpiya oyunlarında - həm Sidney, həm də Afina Olimpiya oyunlarında, iştirakı çox uğurlu olmuşdur. Əminəm ki, bu gözəl ənənələr davam edəcək və idmançılarımız ölkəmizi ləyaqətlə təmsil edəcəklər.

2006-cı il, eyni zamanda, ona görə yadda qalacaq ki, Azərbaycan bizim üçün çox yeni, bəlkə də, bəzilərini təəccübləndirən təşəbbüslə çıxış etmişdir: 2016-cı ildə Yay Olimpiya oyunları Azərbaycanda keçirilsin. Biz bu təşəbbüsü irəli sürəndə, əlbəttə ki, imkanlarımızı qiymətləndirmişdik. Mən hesab edirəm ki, Azərbaycan olimpiya oyunları keçirmək üçün bütün imkanlara malikdir. 2016-cı ildə Yay Olimpiya oyunlarının harada keçiriləcəyi hələ ki, bəlli deyil, müxtəlif ölkələr öz namizədliklərini irəli sürmüşdür, o cümlədən Azərbaycan. Bir tərəfdən, bu onu göstərir ki, Azərbaycanda idman hərəkatına, olimpiya hərəkatına və bütövlükdə idmanın inkişafına həqiqətən çox böyük diqqət göstərilir və təsadüfi deyil ki, Azərbaycan artıq dünyada idman ölkəsi kimi tanınır. Digər tərəfdən, bütövlükdə, müstəqil Azərbaycanın qüdrətini, imkanlarını, potensialını göstərir.

Olimpiya oyunları keçirmək asan məsələ deyil. Əgər biz belə bir təşəbbüslə çıxış etmişiksə, deməli, özümüzə güvənirik, öz imkanlarımıza güvənirik. Əminəm ki, əgər bu böyük şərəf Azərbaycana verilərsə, biz Olimpiya oyunlarını ən yüksək səviyyədə keçirəcəyik.

Mən xatırlayıram, haradasa, 5-6 il bundan əvvəl müsahibələrin birində jurnalist sual vermişdi ki, indi Azərbaycanda böyük uğurlar var, Azərbaycanda Olimpiya Oyunları keçirilə bilərmi? Sözün düzü, o vaxt mən bu suala cavab vermədim. Çünki hesab edirdim, biz hələ buna hazır deyilik. Amma bu gün mən əminəm ki, biz buna hazırıq. Nəzərə alsaq ki, 2016-cı il on ildən sonra gələcək, əlbəttə, o vaxta qədər Azərbaycanda oyunları ən yüksək səviyyədə keçirmək mümkün olacaqdır. Biz nəyə görə belə əminik?! Ona görə ki, ölkəmizin imkanları artır, iqtisadi potensial artır, beynəlxalq mövqelər möhkəmlənir, Azərbaycan regional çərçivədə lider dövlətdir və bizim gələcəyimiz də çox parlaq olacaqdır. Bilirik ki, bizi nələr gözləyir. Bilirik ki, imkanlarımız nəyə çatacaq. Ona görə mən bir müddət bundan əvvəl göstəriş vermişdim ki, biz belə bir müraciəti edək. Nəzərə alsaq ki, Azərbaycan belə müraciətlə ilk dəfə çıxış edir, ola bilsin, biz bu işdə uğur qazana bilməyək. Əgər 2016-cı ildə bu oyunların keçirilməsi başqa ölkəyə, başqa şəhərə həvalə olunarsa, ondan sonra 2020-ci il gəlir. Mən şübhə etmirəm ki, bizim belə təşəbbüsümüz və bu işə sədaqətimiz uğura gətirib çıxaracaqdır.

Azərbaycanın hərtərəfli inkişafı göz qabağındadır və idman ictimai həyatın çox böyük hissəsidir, böyük amilidir. İdman həm ölkənin nüfuzu, ölkənin imici deməkdir, həm də gənc nəslin yetişdirilməsi, vətənpərvərlik ruhunda tərbiyəsi deməkdir, fiziki sağlamlıq deməkdir. Fiziki cəhətdən sağlam insanlar mənəvi cəhətdən də sağlam olurlar. Yəni hər bir ölkənin inkişafı üçün idmanın çox böyük əhəmiyyəti var. Biz bunu Azərbaycanda çox yaxşı bilirik və uzun illər idmana, idmançılara göstərilən münasibət bunun ən yaxşı nümunəsidir. İdmançılar gərək yaxşı təmin edilsinlər, onların idmanla məşğul olmaları üçün şərait yaxşı olmalıdır, məişət problemləri də həll edilməlidir. Elə etməliyik ki, onları məişət problemləri düşündürməsin, yalnız və yalnız məşqlərlə məşğul olsunlar, öz peşəkarlığını artırsınlar və doğma Vətənimizin bayrağını beynəlxalq yarışlarda daim uca tutsunlar. Biz hər dəfə bunu görəndə, beynəlxalq yarışlarda Azərbaycanın nümayəndələrinin uğurlarını görəndə hər bir vətənpərvər insan, hər bir vətəndaş haqlı olaraq qürur hissi keçirir. Bu sevinci xalqa bəxş etdiyi üçün mən bütün idmançılara, onların məşqçilərinə, idman mütəxəssislərinə öz minnətdarlığımı bildirmək istəyirəm.

Gələn il, 2007-ci il mənim üçün də çox əlamətdar olacaqdır. Çünki mən Milli Olimpiya Komitəsinin prezidenti vəzifəsinə 1997-ci ildə seçilmişəm və artıq bunun on ili olacaqdır. Bu on il də böyük tarixi bir dövrdür. Hesab edirəm ki, bu on ildə Azərbaycan idmanının şöhrəti yüksəklərə qalxmışdır. Bizim bütün planlarımız həyatda öz əksini tapdı və gələcək planlarımız da öz əksini tapacaqdır. Çünki artıq bunu deməyə bizim tariximiz imkan verir, verilən bütün vədlərin həyatda öz əksini tapması imkan verir.

Mən həmişə idmançılarla görüşəndə çox şad oluram, onları görürəm, bütün idmançıların nailiyyətləri ilə maraqlanıram. Düzdür, əvvəlki illərdən fərqli olaraq, indi bəlkə də buna o qədər vaxt sərf edə bilmirəm. Ona görə bəzi hallarda siyahılarda mənim üçün tanış olmayan adları görəndə deyirəm ki, bu, kimdir, mən bunu niyə tanımıram. Çünki mən bütün idmançıları şəxsən tanıyırdım və tanımaq istəyirəm. Onların imkanlarını da bilirəm. Artıq son müddət ərzində görəndə ki, siyahılara yeni, tanış olmayan adlar daxil olur, bir tərəfdən, təəssüf edirəm ki, onlarla görüşməyə vaxtım olmayıbdır, digər tərəfdən isə sevinirəm, gənc nəsil yetişir. Deməli, gənclər artıq böyük uğurlara nail olurlar. Beləliklə, Azərbaycanın idmanı yaşayacaq, davam edəcəkdir. Beləliklə, Azərbaycan xalqı yaşayacaq, inkişaf edəcəkdir. Çünki idmançılar xalqın nümayəndələridir. Onlar imkanlarını, bəzi hallarda sağlamlığını beynəlxalq yarışlarda Azərbaycanın üçrəngli bayrağının qaldırılmasına həsr edirlər. Ona görə onların əməyi yüksək səviyyədə qiymətləndirilməlidir.

Mən fürsətdən istifadə edib, sizin hamınızı qarşıdan gələn Dünya Azərbaycanlılarının həmrəyliyi günü, Yeni il bayramı münasibətilə ürəkdən təbrik etmək və 2007-ci ildə hamınıza uğurlar, cansağlığı arzulamaq istəyirəm. Sağ olun.

X X X

Sonra Azərbaycanda idmanın inkişafında böyük rolu olmuş idmançıların, məşqçilərin, idman mütəxəssislərinin mükafatlandırılması oldu. MOK-un vitse-prezidenti Çingiz Hüseynzadə bildirdi ki, cənab Prezident, ilin yekunlarına görə idmançılara pul mükafatı təqdim edilmişdir. İndi isə icazənizlə, yeni mənzillərin orderləri veriləcəkdir. İlk növbədə, bizim bir maşın mükafatımız vardır. Bu, boks üzrə gənclərdən ibarət yığmanın baş məşqçisi Şamil Əlimzanova verilir.

Dövlətimizin başçısı avtomobilin açarını Şamil Əlimzanova təqdim etdi.

Sonra Azərbaycan Prezidenti, Milli Olimpiya Komitəsinin prezidenti İlham Əliyev cüdo üzrə Avropa çempionu Elnur Məmmədliyə, taekvondo üzrə Avropa çempionu İlkin Şahbazova, cüdo üzrə Avropa çempionatının gümüş mükafatçısı Kifayət Qasımovaya, karate-do üzrə dünya və Avropa çempionu Qurban Tağıyevə, boks üzrə Avropa çempionatının mükafatçısı Cavid Tağıyevə, boks üzrə yığma komandanın üzvü, gənclər arasında Avropa çempionu, Dünya kuboku yarışının bürünc mükafatçısı Samir Məmmədova, güləş üzrə əməkdar məşqçi Soltan Kərimova, futbol veteranı Asif Əliyevə, boks üzrə yığma komandanın məşqçisi Əsgər Eyvazova, idman fotomüxbiri Dilavər Nəcəfova, basketbol üzrə yığma komandanın üzvü Zaur Xasayevə, gimnastika üzrə əməkdar məşqçi Elşad Nərimanova, güləş üzrə dünya çempionatının gümüş mükafatçısı Rövşən Bayramova, cüdo üzrə gənclərdən ibarət yığma komandanın məşqçisi İbadulla Şahbanova, kinq-boksinq üzrə dünya çempionu Eduard Tağıyevə, həndbol üzrə yığma komandanın kapitanı Marina Pankatskayaya, şahmat üzrə Avropa çempionu İlahə Qədimovaya, Azərbaycan Bədən Tərbiyəsi və İdman Akademiyasının prorektoru Qəhrəman Məmmədyarova, sərbəst güləş üzrə məşqçi Xosrov Cəfərova, güləş üzrə məşqçi Cavanşir Qurbanova, otüstü xokkey komandasının üzvü Zərifə Zeynalovaya yeni mənzillərin orderlərini təqdim etdi.

Bildirildi ki, voleybol üzrə milli komandanın üzvü Valeriya Korotenkoya mənzilin orderi ona xarici ölkədən yarışdan qayıtdıqdan sonra veriləcəkdir.

Prezident İlham Əliyev mərasim iştirakçılarını qarşıdan gələn bayramlar münasibətilə bir daha təbrik etdi, onların hər birinə xoşbəxtlik, cansağlığı arzuladı.

Xəbəri sosial şəbəkələrdə paylaşın

Bizi sosial şəbəkələrdə izləyin

UEFA Millətlər Liqası: Danimarka Norveçlə heç-heçə edib, Ukrayna Gürcüstana qalib gəlib

İsveç Ukraynaya hərbi yardımı artırır

Əziz Ələkbərli: Gülarə Əliyevanın zəngin musiqi irsinin yaşadılması mühüm əhəmiyyət daşıyır

Ukrayna “Ramştayn” formatında keçirilən konfransın nəticələrini dəyərləndirib

Rutte: NATO ölkələri Ukraynaya silah alınması üçün ABŞ-yə 10 milyard dollardan çox vəsait ödəyib

Aktoti Raimkulova: Gülarə Əliyevanın yaradıcılığı bütövlükdə Türk dünyasının mədəni sərvəti və irsidir

Salyanda piyadanın ölümü ilə nəticələnən yol qəzası olub VİDEO

Salyanda piyadanın ölümü ilə nəticələnən yol qəzası olub VİDEO

Azərbaycanın Kudo üzrə yeganə dünya çempionu ikinci dəfə Avropa çempionu olub

Tanınmış bəstəkar Gülarə Əliyevanın xatirəsi anılıb VİDEO

Tanınmış bəstəkar Gülarə Əliyevanın xatirəsi anılıb VİDEO

Rusiyada An-12 təyyarəsinin qəzaya uğraması nəticəsində 17 nəfər həlak olub YENİLƏNİB

Qazaxın kəndlərində təsərrüfat sahiblərinin və fermerlərin müraciətləri dinlənilib

MDB ölkələri terror təhlükələrinə qarşı birgə mübarizə sahəsində əhəmiyyətli təcrübə toplayıblar

Alim: Süni intellekt tarixçini əvəz etməyəcək, amma keçmişin öyrənilməsinə yanaşmanı dəyişəcək

Azərbaycan və ABŞ arasında aqrar sahədə əməkdaşlığın genişləndirilməsi müzakirə edilib

Mobil telefon uşaq üçün bir növ “təsəlli örtüyü”nə çevrilib - Neyropsixiatr Teo Kompernollenin ŞƏRHİ

Qazaxda V İdman Festivalına start verilib

Göyçayda aqrar təsərrüfatlara növbəti baxış keçirilib

Özbək xoreoqraf: Azərbaycan rəqsi ilə ən yaxın oxşarlıqlar Fərqanə məktəbində müşahidə olunur

2027-ci ilin dövlət büdcəsi layihəsi Milli Məclisdə birinci oxunuşda qəbul edilib - YENİLƏNİB VİDEO

2027-ci ilin dövlət büdcəsi layihəsi Milli Məclisdə birinci oxunuşda qəbul edilib - YENİLƏNİB VİDEO

“Nvidia”nın maliyyə hesabatından sonra bazar dəyərində 335 milyard dollarlıq dəyişiklik gözlənilir

Muxtar Babayev: Azərbaycan üçün su təhlükəsizliyi strateji milli prioritetdir

Ankara Dövlət Konservatoriyasında “Nizami” simfoniyası təqdim ediləcək

COP31: Azərbaycan pavilyonunda “Xəzər dənizi üzrə yüksəksəviyyəli tədbir” keçirilib

Yoxlama oyunu: Azərbaycan millisi Omana ikinci dəfə qalib gəlib

Milli Dirçəliş Günü münasibətilə Azərbaycan Ordusunda silsilə tədbirlər keçirilib

Futbol formasından əlfəcinədək... “Zumerlər” nəyi kolleksiya etməyi sevirlər? –  SORĞU

COP31-də ziyarətçilər 1926-cı və 2100-cü illərin iqlim şəraitini təcrübədən keçirirlər

Türk ekspert: 17 noyabr xalqın öz müqəddəratına sahib çıxmaq iradəsinin tarixə yazıldığı gündür

“Mançester Yunayted” almaniyalı futbolçunu transfer etmək istəyir

Asan yol, yoxsa sağlamlıq riski? VİDEO

Asan yol, yoxsa sağlamlıq riski? VİDEO

COP31 çərçivəsində “Antalya Okeanlar və Dənizlər Razılaşması” əldə olunub

Azərbaycanın yaşıl enerji potensialı Avropa ilə əməkdaşlığın genişləndirilməsi üçün yeni imkanlar yaradır - ŞƏRH

“Sıfır Atık’” Fondunun sədri: Azərbaycan və Türkiyə COP31-də ortaq ekoloji təşəbbüslərlə çıxış edir

İşəgötürənlərin gender bərabərliyinin təmin olunmasında rolu müzakirə edilib

Nyu-Yorkda Azərbaycanın Zəfər Gününə həsr olunan şahmat turniri

Britaniya İordan çayının qərb sahilində tikinti işlərində iştirak edən İsrail şirkətlərinə sanksiya tətbiq edib

Bakıdakı şadlıq saraylarında monitorinq: 47 obyektdən 41-də nöqsanlar aşkarlanıb

Bakı İqlim Fəaliyyəti Həftəsi qlobal İqlim Həftələri əməkdaşlığına qoşulub

Azərbaycan Aİ-nin Brüsseldə keçirilən nazirlər toplantısında təmsil olunub

Almaniyanın xarici işlər naziri Bakıda Şəhidlər xiyabanını ziyarət edib

Azərbaycanda inklüziv təhsilə dəstək məqsədli layihə uğurla tamamlanıb

Birgə Bəyannamə Azərbaycan-Böyük Britaniya münasibətlərində yeni mərhələnin əsasını qoyur ŞƏRH

Şərq intibah poeziyasının Xaqanı - elmi-praktik konfrans

Qubada Şimal-şərqi Azərbaycanda erkən şəhər mədəniyyəti mövzusu müzakirə olunacaq

Azərbaycanlı və almaniyalı tədqiqatçılar plastik çirklənmənin həlli yollarını araşdırıblar

“Azərpoçt”un adından istifadə edilməklə yeni fişinq kampaniyası həyata keçirilir - XƏBƏRDARLIQ

® “Bakcell” gənclər üçün növbəti süni intellekt hakatonunu keçirib

Rusiyanın “Timeweb” hostinq provayderində genişmiqyaslı nasazlıq baş verib

Azərbaycan Ordusunun Baş Qərargah rəisi gürcüstanlı həmkarı ilə görüşüb

Siyasi şərhçi: Azərbaycanın enerji və nəqliyyat sahəsindəki mövqeyi Avropa üçün strateji əhəmiyyət daşıyır

Narkotik asılılığı ilə mübarizədə ailənin rolu: İsmayıllıda valideynlərlə görüş təşkil olunub

Ukrayna Müdafiə Qüvvələri “Qazprom”un neft emalı zavodunu vurub

Bu il 310 mindən çox mülkiyyət hüququnun dövlət qeydiyyatı aparılıb

Mərkəzi Bankın nümayəndələri İsveçrə Milli Bankındakı effektiv iş mexanizmlərini nəzərdən keçiriblər

Zelenski: Krım körpüsü əməliyyatın yeddinci mərhələsində vurulub

İraq Türkiyəyə köhnə boru kəməri ilə neft nəqlini bərpa edib

Prezident İlham Əliyev Gürcüstanın Baş nazirinin müavinini qəbul edib VİDEO

Prezident İlham Əliyev Almaniyanın xarici işlər nazirinin başçılıq etdiyi nümayəndə heyətini qəbul edib VİDEO

Dövlət rüsumlarının tətbiqi ilə bağlı qanunvericilikdə islahat: On doqquz sənədə dəyişiklik edilir

Beyin mərkəzləri Orta Dəhliz və Lapis Lazuli marşrutunun uzlaşdırılmasını müzakirə ediblər

“Azərpoçt” ötən il 90 milyondan çox maliyyə əməliyyatı həyata keçirib

"Startap” şəhadətnaməsi almış KOB subyektlərinin sayı 300-ü ötüb

® Vüqar Eyvazov “AmCham Azərbaycan”ın yeni yaradılmış Səhiyyə Komitəsinin sədri təyin edilib

Rusiya yanacaq təminatının sabitliyi üçün neft emalı zavodlarında təmiri sürətləndirir

“Azərpoçt”un fəaliyyətində süni intellekt və avtomatlaşdırmanın tətbiqi imkanları genişlənir

Poçt şəbəkələri Azərbaycan sahibkarlarının xarici bazarlara çıxışını asanlaşdıra bilər

Alimlər xroniki iltihabın yaranma mexanizmini araşdırmaq üçün yeni alət hazırlayıblar

“İxrac rəsmiləşdirilmə xərclərinə görə kompensasiya dəstəyinin şamil olunacağı qeyri-neft-qaz mallarının və onların ixrac edildiyi ölkələrin (ölkə qruplarının) Siyahısı”nın, “Bir ixrac gömrük bəyannaməsi üzrə ixrac rəsmiləşdirilmə xərclərinə görə kompensasiya dəstəyi məbləğinin Yuxarı Həddi”nin və “İxrac rəsmiləşdirilmə xərclərinə görə kompensasiya dəstəyinin ödənilməsi ilə bağlı müraciət edilməsi və həmin müraciətlərə baxılması Qaydası”nın təsdiq edilməsi haqqında
Azərbaycan Respublikası İqtisadiyyat Nazirliyinin Kollegiyasının QƏRARI

UNEC süni intellekt üzrə regional mərkəzə çevrilməyi hədəfləyir

“İxrac daşıma dəstəyinin şamil olunacağı qeyri-neft-qaz mallarının və onların ixrac olunduğu ölkələrin (ölkə qruplarının) Siyahısı”nın, “İxrac və daxili daşıma dəstəyi məbləğlərinin ödənilməsi ilə bağlı müraciət edilməsi və həmin müraciətlərə baxılması Qaydası”nın və “Müxtəlif nəqliyyat növləri ilə (multimodal) daşımalar zamanı ixrac daşıma dəstəyi məbləğinin hesablanması Qaydası”nın təsdiq edilməsi haqqında
Azərbaycan Respublikası İqtisadiyyat Nazirliyinin Kollegiyasının QƏRARI

AQTA əməkdaşları üçün ətraf mühit və insan hüquqları ilə bağlı təlim təşkil olunub

Aqrar Sığorta Fondu mütəxəssisləri əməkdaşlığa dəvət edir – Bölgələrdə təlimlər başlayır

Əfqanıstan rəsmisi: Azərbaycanla əlaqələrin möhkəmləndirilməsi regional əməkdaşlıq üçün yeni imkanlar yaradır

Tanınmış Formula 1 pilotu yenidən “Dakar” rallisində mübarizə aparacaq

Litva Hərbi Akademiyasının nümayəndə heyəti Azərbaycana səfər edib

“QS Dayanıqlılıq Reytinqi 2027”: UNEC liderdir

Tarixçi-alim: Azadlıq meydanında yüksələn üçrəngli bayraq milli dirçəlişimizin rəmzinə çevrilib

Əmək qanunvericiliyi müasir əmək bazarının reallıqlarına uyğunlaşdırılır

Anar Məcidov: Beynəlxalq poçt əməkdaşlığının dəyəri vətəndaş və biznes üçün yaratdığı real fayda ilə ölçülür – MÜSAHİBƏ

QUAD ölkələri liderlərinin Manilada görüşü keçirilir

Xalqın dirçəlişi onun öz gücünə inanması ilə başlayır - ŞƏRH

Azərbaycan məktəbliləri piko-peyk hazırlayacaqlar

“İpək Yolu Sığorta”nın lisenziyasının qüvvəsi məhdudlaşdırılıb

Azərbaycanın müdafiə naziri Gürcüstanın nümayəndə heyəti ilə görüşüb

Deputat: Milli Dirçəliş Günü xalqımızın azadlıq iradəsinin təcəssümüdür ŞƏRH

“Reuters”: Kennedi ABŞ-də qızılcanın nəzarətsiz yayılmasına yol verib

Gələn il üçün yaşayış minimumu ölkə üzrə 314 manat olacaq  VİDEO

Gələn il üçün yaşayış minimumu ölkə üzrə 314 manat olacaq  VİDEO

Parlament “İşsizlikdən sığorta fondunun 2027-ci il büdcəsi haqqında” qanun layihəsini birinci oxunuşda təsdiqləyib VİDEO

Parlament “İşsizlikdən sığorta fondunun 2027-ci il büdcəsi haqqında” qanun layihəsini birinci oxunuşda təsdiqləyib VİDEO

Mixail Malkin: Komanda hesabında ardıcıl üçüncü dəfə dünya çempionu olmaq böyük qürurdur

DSMF-nin 2027-ci il üzrə gəlirləri 9,2 milyard manatı ötəcək - büdcə layihəsi birinci oxunuşda təsdiqlənib

Bərpaçı: Tarixi eksponata hər müdaxilə onun taleyinə təsir edir

İKTA: İstehlakçılara göstərilən internet xidmətlərinin keyfiyyətinə daha sistemli nəzarət üçün əlavə imkanlar formalaşacaq

DSMF respublika üzrə birdəfəlik müavinətlərin ödənişini başa çatdırıb

Azərbaycan millisi seçmə mərhələni bir xalla başa vurub

Kiberhücumçular qlobal veb-saytlara zərərli kod yeridiblər

567 nömrəli marşrutun avtobusları yenilənir

Azərbaycan-Böyük Britaniya strateji tərəfdaşlığı yeni investisiya imkanları yaradır - ŞƏRH

Efiopiya və Sudan arasında qarşılıqlı ittihamlar gərginliyi artırır

Daşkənddə dinlərarası tolerantlıq və ekstremizmə qarşı mübarizə məsələləri müzakirə olunub

“Azərbaycan Respublikasının Mərkəzi Bankı haqqında” Azərbaycan Respublikasının Qanununda dəyişiklik edilməsi barədə
Azərbaycan Respublikasının Qanunu