Azərbaycan Dövlət İnformasiya Agentliyi

AZƏRBAYCAN PREZİDENTİ İLHAM ƏLİYEVİN NİTQİ

AZƏRBAYCAN PREZİDENTİ İLHAM ƏLİYEVİN NİTQİ

-Əziz dostlar!

Hörmətli xanımlar və cənablar!

2009-cu il başa çatır və biz ənənəvi olaraq ilin sonunda görüşürük. Bu görüşlərin çox böyük əhəmiyyəti vardır. Həm bir-birimizi görürük, eyni zamanda, ilin yekunları haqqında danışırıq və hər il yeni idmançılarımızın yeni uğurlarını qeyd edirik. Biz keçən il Olimpiya oyunlarının uğurlarına sevinirdik və bunu qeyd edirdik.

2009-cu il Olimpiya oyunlarından keçən birinci ildir. Adətən, Olimpiya oyunlarından sonra idmançılarda müəyyən mənada arxayınçılıq meyilləri güclənir və bu da təbiidir. Eyni zamanda, istirahətə daha da çox üstünlük verilir. Buna baxmayaraq, 2009-cu ildə idmançılarımız çox gözəl nəticələr göstərmişlər. Bütün beynəlxalq yarışlarda 600-dən çox medal qazanılmışdır ki, onların təxminən yarısı qızıl medallardır. Dörd idmançımız Olimpiya idman növləri üzrə dünya çempionatlarında birinci yerləri tuta bilmişlər. Bu da çox böyük göstəricidir.

Bizim güləş komandamız dünya çempionatında, dünya miqyasında komanda hesabı ilə birinci olmuşdur. Bu da tarixi qələbədir və böyük nailiyyətdir. Nəzərə alsaq ki, dünyada güləş çox populyar idman növüdür və yarışlarda 100-dən artıq ölkəni təmsil edən idmançılar iştirak edirlər, bu, həqiqətən də böyük və tarixi qələbədir. Gənc şahmatçılarımız Avropa çempionatında birinci yeri tuta bilmişlər. Bu, Azərbaycanın intellektual potensialını göstərir və o da çox əlamətdar haldır ki, şahmatçılarımızın hamısı gənclərdir. Onlar vətəndaş və idmançı kimi müstəqillik dövründə formalaşıblar. Digər idman növlərində - avarçəkmədə tarixi qələbələr qazanılmışdır. İlk dəfə olaraq Azərbaycanda avarçəkmə idman növü üzrə dünya çempionumuz vardır və bu idman növünün Azərbaycanda inkişafı üçün çox böyük işlər görülür. Kür Beynəlxalq Olimpiya Bazası tikilməkdədir və yəqin ki, biz gələn il o böyük, nəhəng obyektin açılışında iştirak edəcəyik. Bütün digər idman növlərində də, - hamısını sadalamaq çətindir, - uğurlarımız vardır. Əvvəllər bizim uğurlarımız demək olar ki, bir-iki idman növünü təmsil edən idmançılarla məhdudlaşırdı. Ancaq bu gün dünya və Avropa çempionatlarında bizim uğurlarımız o qədərdir ki, bütün idman növlərini sadalamaq üçün böyük vaxt lazımdır.

Azərbaycan ictimaiyyəti əlbəttə ki, bu uğurlardan xəbərdardır. Çünki idman Azərbaycanda ənənəvi olaraq diqqət mərkəzindədir. Həm televiziyalar və həm də kütləvi informasiya vasitələri idman yarışlarını geniş işıqlandırırlar. Eyni zamanda, Azərbaycanda idman həyatımızın ayrılmaz hissəsidir, ictimai həyatın önəmli amilidir. Əminəm ki, gələcək illərdə idmana, idmançılara daim diqqət və qayğı göstəriləcəkdir. Həm dövlət tərəfindən, həm də idman cəmiyyətləri, klublar, federasiyalar tərəfindən. Azərbaycanda bütün idman qurumları öz fəaliyyətlərini əlaqəli şəkildə qurublar və hesab edirəm ki, uğurlarımızın əsas səbəbi məhz ondadır. Çünki biz beynəlxalq aləmdə baş verən hadisələri izləyirik və bilirik ki, bir çox ölkələrdə olimpiya komitələri ilə nazirliklər, federasiyalar arasında ixtilaflar, ziddiyyətlər, qarşıdurma vardır. Azərbaycanda isə idmana cavabdehlik daşıyan bütün qurumlar - həm Milli Olimpiya Komitəsi, Gənclər və İdman Nazirliyi, federasiyalar, klublar, idman cəmiyyətləri vahid komanda şəklində fəaliyyət göstərirlər. Bu, bizim uğurlarımızı şərtləndirir.

Bir sözlə, 2009-cu il Azərbaycanın idman şöhrətinin ucaldılması işində çox mühüm il olmuşdur. 2009-cu ildə gənclərimiz də bizi sevindirmişlər. Mən xüsusilə gənc cüdoçularımızı qeyd etmək istəyirəm. Onlar çox ağır psixoloji şəraitdə cüdo üzrə Avropa çempionatından Vətənə böyük qələbə ilə qayıtmışlar. Xüsusilə nəzərə alsaq ki, bu yarış İrəvanda keçirilirdi, əlbəttə, başa düşmək çətin deyil ki, idmançılarımızın çiyinlərinə böyük və məsuliyyətli yük düşmüşdü. O, adi yarış deyildi, Azərbaycan idmançıları ilk dəfə olaraq Ermənistanda yarışlarda iştirak edirdilər və çox uğurla iştirak etdilər. Azərbaycan Avropa çempionatında 5 idmançı ilə iştirak edirdi və beşi də Vətənə medal gətirdi, beşi də Azərbaycanın dövlət bayrağını İrəvanda ucaltdı. Eyni zamanda, bir dəfə Azərbaycanın dövlət himni İrəvanda səsləndi. Bu, böyük qəhrəmanlıqdır, böyük tarixi nailiyyətdir. Bu Azərbaycan idmanının, Azərbaycan gəncliyinin, Azərbaycan dövlətinin zəfəri, təntənəsi idi.

Bu, onu göstərir ki, Azərbaycanda idmanın inkişafı çox düşünülmüş qaydada davam etdirilir. Həm böyüklər arasında çıxış edən idmançılar öz peşəkarlığını artırırlar və həm də uğurlarımızın ildən-ilə sayı artır. Eyni zamanda, Azərbaycanda çox güclü və peşəkar gənc nəsil yetişir. Gənclər arasında müxtəlif beynəlxalq yarışlarda idmançılarımız böyük qələbələr qazanırlar. Bu, onu göstərir ki, Azərbaycanda idmanın inkişafı və təlim-məşq toplanışları, bütün idmanın inkişafı ilə bağlı məsələlər düzgün istiqamətdə inkişaf edir. Əgər belə olmasaydı, gənclər arasında uğurlarımız o qədər böyük olmazdı.

Bununla bərabər, Azərbaycanda veteran idmançılara çox böyük qayğı göstərilir. İdmançı bilir ki, əgər idmanla məşğul olan zaman böyük nəticələr əldə etsə, gələcəkdə o, veteran kimi də dövlət tərəfindən həmişə qayğı və diqqətlə əhatə olunacaqdır. Bu da çox önəmlidir. Çünki idmançılarn idman həyatı o qədər də uzun deyildir. Onlar öz bacarıqlarını, öz imkanlarını Azərbaycanın idman şöhrətinin qaldırılmasına yönəldirlər və artıq idmandan gedəndən sonra da biz onlara daim qayğı göstərməliyik.

Mən bu gün qaliblərimizi qeyd etdim, gəncləri qeyd etdim, veteranları da qeyd etmək istəyirəm. Bu il, eyni zamanda, bizim görkəmli idmançımız Namiq Abdullayevin idmanla vidalaşma ili olmuşdur. İdmançı kimi onun Azərbaycanın idman şöhrətinə verdiyi töhfələr çox dəyərlidir, çox əzizdir.

Biz hamımız xatırlayırıq ki, Sidney Olimpiya oyunlarında Namiq və Zemfira Azərbaycana iki qızıl medal gətirmişdilər. O vaxt və hətta bu gün Olimpiya oyunlarında iki qızıl medal qazanmaq böyük qələbədir. Özü də xüsusilə o illərdə ki, hələ Azərbaycanda idmanın inkişafı, əsaslı inkişafı demək olar, ibtidai vəziyyətdə idi. O qələbələr Azərbaycanın idman imkanlarının genişlənməsinə çox böyük təsir göstərmişdir. Biz hamımız xatırlayırıq ki, o qələbədən sonra idman bölmələrinə uşaqların axını nə qədər gücləndi, idmana maraq nə qədər artdı. Azərbaycan idman qələbələri ilə öyünürdü. Ona görə, bu il həm qələbə qazanmış idmançıları, eyni zamanda, idmanla vidalaşan idmançıları da qeyd etməliyik. Mən çox şadam ki, Namiq öz fəaliyyətini Güləş Federasiyasında davam etdirir. Əlbəttə ki, onun və bütün veteran idmançıların təcrübəsi gənc nəslin yetişməsində çox önəmlidir.

Azərbaycanda, eyni zamanda, idmanla məşğul olmaq üçün gözəl şəraitin yaradılması prosesi davam edir. Bu gün səhər mən Şağan qəsəbəsində yeni Olimpiya-İdman Kompleksinin açılışında iştirak edirdim. Bu, artıq gözəl ənənədir, 20-dən çox, haradasa 30-a yaxın Olimpiya kompleksi Azərbaycanda artıq fəaliyyətdədir. Bu il beş Olimpiya-İdman kompleksi istismara verildi. Gələn il ən azı 5 Olimpiya Kompleksi istismara veriləcəkdir. Baxmayaraq ki, 2009-cu il bütün ölkələr üçün sınaq ili olmuşdur. Yəni, dünyanı bürümüş maliyyə böhranı Azərbaycandan da yan keçməmişdir. Ancaq Azərbaycanda bu vaxta qədər görülən işlər, aparılan islahatlar bizi demək olar ki, böyük çətinliklərdən qorudu. Bizim düşünülmüş siyasətimiz və 2009-cu ildə atılan addımlar demək olar, elə şərait yaratdı ki, əhalimizin tam əksəriyyəti böhranı hiss etmədi. Ancaq sirr deyil ki, ölkəmizin maliyyə imkanları əlbəttə, məhdudlaşdı. Çünki iqtisadi problemlər, dünyada baş verən hadisələr Azərbaycana da təsir etdi. Buna baxmayaraq, Azərbaycanda bütün sosial infrastruktur layihələri uğurla icra edildi, o cümlədən ölkəmizdə 5 yeni Olimpiya-İdman Kompleksi yaradıldı. Bu proseslər gələcək illərdə davam etdiriləcəkdir. Tikilməkdə olan komplekslərin bəzilərində tamamlama işləri aparılır. Bundan sonrakı illərdə biz maksimum dərəcədə çalışmalıyıq ki, Azərbaycanın hər bir rayonunda idmanla məşğul olmaq üçün yaxşı imkanlar, yaxşı şərait olsun. Biz bu işlərin nəticələrini görürük. Həm idmanın kütləviliyi artır, insanlar öz sağlamlığını möhkəmləndirirlər, həm də bölgələrdə çoxlu istedadlı gənc idmanla məşğul olmaq imkanı əldə edir.

Bax, Azərbaycanın idman imkanları gələcəkdə də bu cür inkişaf edəcəkdir. Həm idmançıların uğurlu çıxışları, həm də ölkəmizdə keçirilən və gələcəkdə keçiriləcək beynəlxalq idman yarışları artıq gözəl ənənəyə çevrilibdir. İdman infrastrukturunun yaradılması, federasiyaların, bütün idman cəmiyyətlərinin uğurlu fəaliyyəti, uşaqların, yeniyetmələrin idmana cəlb edilməsi prosesi nəinki idman üçün, ölkəmiz üçün lazımdır. Çünki əhali, insanlarımız sağlam olmalıdırlar. İnsanların sağlamlığı üçün müxtəlif tədbirlər görülür. Bütün bölgələrdə müalicə-diaqnostika mərkəzləri tikilir və o mərkəzlərdə müayinə və müalicə pulsuzdur. Mən hər dəfə diaqnostika mərkəzlərinin açılışında o bölgələrdə yaşayan insanlara müraciət edirəm, deyirəm ki, hər bir vətəndaş ildə bir dəfə müayinədən keçməlidir. Xüsusilə bu gün Azərbaycanın bölgələrində quraşdırılan avadanlıq dünyanın ən qabaqcıl xəstəxanalarında quraşdırılan avadanlıqdan fərqlənmir.

Ona görə, insanlarımızın sağlamlığı üçün kompleks tədbirlər görülür. İdman da o tədbirlərin sırasında öz yerini tutur. Eyni zamanda, ekoloji tədbirlər gücləndirilir. Gələn il Azərbaycanda “Ekologiya ili” elan edilib. Mən əminəm ki, gələn il ekoloji vəziyyətin yaxşılaşdırılması sahəsində çox vacib işlər aparılacaqdır. Əlbəttə, bu işlər ancaq gələn il ilə məhdudlaşmayacaqdır. Biz ondan sonrakı illərdə də bu işlərə böyük əhəmiyyət verməliyik.

Yəni, idman sağlamlıqdır, sağlam həyat tərzidir, ölkələrin şöhrətidir, ölkələrin ümumi inkişafını göstərir. Əgər biz beynəlxalq idman yarışlarının nəticələrinə nəzər salsaq görərik ki, əksər hallarda inkişaf etmiş ölkələrin idmançıları, - o ölkələrin ki, orada idman dövlət tərəfindən dəstəklənir, - uğurlar əldə edirlər. Azərbaycan da inkişaf etmiş ölkə olacaqdır. Biz bu yola başlamışıq və bu yolla gedirik. Azərbaycanın inkişaf etmiş ölkəyə çevrilməsi üçün bütün tədbirlər görülür. Azərbaycanda dövlət tərəfindən idmana göstərilən qayğı çox yüksək səviyyədədir. Bunu idmançılar da görürlər. Beynəlxalq idman qurumları da bunu bəyan edirlər və Azərbaycanın təcrübəsini bir çox hallarda nümunə kimi göstərirlər. Əminəm ki, idmanın Azərbaycanın ictimai həyatında oynadığı rol ancaq və ancaq artacaqdır.

Bizim gözəl idmançılarımız, çox gözəl gənclərimiz vardır. Biz gələcəyə nikbinliklə baxırıq. Azərbaycan gənclərinin vətənpərvərlik ruhunda tərbiyə edilməsində idmanın çox böyük və əvəzolunmaz rolu vardır.

Mən bu bayram ərəfəsində bir daha bütün idmançıları 2009-cu ildə qazanılmış qələbələr münasibətilə təbrik etmək istəyirəm. İdman mütəxəssislərini, məşqçiləri, bütün idman ictimaiyyətini həm əldə edilmiş uğurlarla, həm də qarşıdan gələn Dünya Azərbaycanlılarının Həmrəyliyi Günü və Yeni il bayramı münasibətilə təbrik etmək istəyirəm. İdmançılara yeni ildə yeni uğurlar arzulamaq istəyirəm. Bütün idman ictimaiyyətini bir daha əmin etmək istəyirəm ki, mən bundan sonra da öz fəaliyyətimdə idmanla bağlı məsələlərə xüsusi diqqət göstərəcəyəm və Azərbaycanda idmanın və Olimpiya hərəkatının inkişafı üçün səylərimi davam etdirəcəyəm. Sağ olun.

X X X

İdmançılar adından Prezident İlham Əliyevə hədiyyələr təqdim olundu.

Xalqımızın ümummilli lideri Heydər Əliyevin Azərbaycan alpinistlərinin dünyanın müxtəlif bölgələrində fəth etdikləri zirvələrə vurduqları barelyefinin nümunəsi dövlətimizin başçısına təqdim edildi.

Milli Olimpiya Komitəsi İcraiyyə Komitəsinin üzvü, Azərbaycan “Kitab” Cəmiyyətinin sədri Zərifə Salahova idman ictimaiyyəti adından Prezident İlham Əliyevi ad günü münasibətilə təbrik etdi.

Beynəlxalq Universal Döyüş Federasiyasının təsis etdiyi bir nömrəli xüsusi qızıl medal dövlətimizin başçısına təqdim olundu.

Sonra 2009-cu ilin yekunlarına görə idmançılara mükafatlar təqdim edildi.

Qeyri-olimpiya idman növlərinin inkişafında xüsusi xidmətləri olan idmançılara Milli Olimpiya Komitəsinin bu il təsis edilmiş xüsusi Fəxri fərmanları verildi.

Dövlətimizin başçısı Seul Olimpiya oyunlarının qalibi İlqar Məmmədova MOK-un “Olimpiya” ordenini təqdim etdi.

Mərasimdə bir qrup idmançıya və məşqçiyə yeni mənzillərin orderləri təqdim olundu.

Prezident İlham Əliyev idmançıları bir daha təbrik etdi, onlara uğurlar arzuladı.

######

Xəbəri sosial şəbəkələrdə paylaşın

Bizi sosial şəbəkələrdə izləyin

Paytaxtda qızıl-zinət əşyaları və mobil telefon oğurlayan şəxslər saxlanılıblar

Tailandda baş verən yanğın nəticəsində 11 nəfər həlak olub

Husilər Yəmənin müvəqqəti paytaxtı Ədənə doğru irəliləyirlər

Fon der Lyayen: Avropa Ukrayna ilə bağlı sülh danışıqlarında iştirak edəcək

SEPAH Bəhreyndə ABŞ radar stansiyasına dronlarla zərbə endirdiyini bildirib

Tramp ABŞ-də aviasiya sistemindəki problemlərə görə Bayden administrasiyasını günahlandırıb

Azərbaycan filmi Haaqa Beynəlxalq Film Festivalının qalibi olub

FT: Jensen Huanqın “Nvidia”nın rəhbərliyinə qayıtması üçün kampaniya aparılır

Husilər Ər-Riyad yaxınlığında neft obyektlərinə zərbə endiriblər

ABŞ-nin təyyarədaşıyan gəmisi bir sutka ərzində Yaxın Şərqə çatacaq

UEFA Millətlər Liqası: İngiltərə yığması İspaniyanı məğlub edib

“Tesla” “Cybercab” robotaksilərini şəxsi istifadə üçün satışa çıxarıb

Hörmüz boğazında tanker minaya düşərək yanıb

Bir əsrlik radio, 70 illik televiziya: Heydər Əliyev Sarayında “Yubiley gecəsi” FOTO

Bakıda aşan ağac səbəbindən evdə köməksiz vəziyyətdə qalan iki nəfər xilas edilib

İran XİN: ABŞ-nin Tehranın tələblərinə cavabları praktik deyil

Frankofoniya sammitində birlik çağırışı: Konqo və Ruanda arasında baş katib postu uğrunda gərginlik

Bu gün Avropa ölkələri Azərbaycanla əməkdaşlığın strateji əhəmiyyətini daha dərindən anlayırlar - ŞƏRH

ABŞ-də 10 mindən çox reysin ləğvindən sonra uçuşlara nəzarət sisteminin yenilənməsi gündəmə gəlib

Prezidentin sosial şəbəkə hesablarında həftəlik fəaliyyəti ilə bağlı icmal yayımlanıb VİDEO

Prezidentin sosial şəbəkə hesablarında həftəlik fəaliyyəti ilə bağlı icmal yayımlanıb VİDEO

Prezidentin Mətbuat Xidmətinin məlumatı

Bakıda küləyin sürəti 28 m/s-dək güclənib, Xınalığa və Şahdağa qar yağır - FAKTİKİ HAVA

“Mercedes-Benz” Almaniyadakı bəzi zavodlarını bağlamaq planını nəzərdən keçirir

İndoneziyada tufanlar nəticəsində 500-ə yaxın bina zərər görüb

Şon Daffi: ABŞ-də 10 mindən çox reysin ləğvinə səbəb olan nasaz qurğu aşkarlanıb

İsveç şahzadəsi Madlen uşaq serialını təqdim edib

Azərbaycan gimnastı gənclər arasında Dünya çempionatında tarixi bürünc medal qazanıb

Budapeştdə üçüncü Azərbaycan nar festivalı keçirilib

Estoniya Rusiya ilə sərhəd-keçid məntəqələrini bağlayacaq

Danimarkada milyon krondan çox qiyməti olan “Pokémon” kartlarını oğurlayıblar

Almaniyada görkəmli bəstəkar Arif Mirzəyevin xatirəsi anılıb

Gəncədə bağlı qapı arxasında köməksiz qalan azyaşlı xilas edilib VİDEO

Gəncədə bağlı qapı arxasında köməksiz qalan azyaşlı xilas edilib VİDEO

“Kür” komandasının baş məşqçisi: “Çair” komandası ilə cavab qarşılaşmasında həndbolçularımız bacardıqlarını etdilər

Bu saata olan əsas xəbərlər

Prezident İlham Əliyev: Ümummilli Liderin Azərbaycan teleradiosuna göstərdiyi diqqət və qayğı bu sahənin inkişafında xüsusi yer tutur

Prezident: Radio və televiziya dövlətçilik ənənələrimizin, milli kimliyimizin və Azərbaycan həqiqətlərinin təbliği baxımından mühüm əhəmiyyət daşıyır

Husilər 600 Yəmən əsgərinin azad edildiyini açıqlayıblar

Azərbaycan Respublikasının televiziya və radio işçilərinə

Mixail Ulyanov: Digər ölkələr nüvə sınaqlarını bərpa etsə, Rusiya cavab tədbiri görəcək

Ölkə ərazisində küləkli hava şəraiti müşahidə olunur - FAKTİKİ HAVA

WP: ABŞ aviasiya tənzimləyicisi modernləşdirmə səbəbindən pozuntular riski barədə xəbərdarlıq alıb

Qadın həndbolçulardan ibarət “Kür” komandası Avropa Kubokunda mübarizəni dayandırıb

Ağdam şəhərində gənc tibb işçilərinin konfransı keçirilib

Fransa prezidentliyinə namizəd ölkənin xarici işlər nazirini təlxək və dəli adlandırıb

Körfəzdə neftdaşıyan supertanker batıb

Ağstafada sursat partlayışı baş verib, bir nəfər ölüb

Ordubadda avtobusun aşması nəticəsində xəsarət alanların vəziyyəti açıqlanıb - YENİLƏNİB 2 VİDEO

Ordubadda avtobusun aşması nəticəsində xəsarət alanların vəziyyəti açıqlanıb - YENİLƏNİB 2 VİDEO

Nazir: Türkiyədə avtomobil yolları PUA-ların uçuş-enməsi üçün uyğunlaşdırılacaq

Milli Kitabxanada “16 Noyabr – Beynəlxalq Tolerantlıq Günü” adlı virtual kitab sərgisi təqdim olunub

ABŞ Yaponiyadakı bazasına F-15EX qırıcı təyyarələri yerləşdirib

Azərbaycanlı alim COP31-də su hövzələrində çirklənməyə dair model təqdim edəcək

Media və Yayım Şurasından XƏBƏRDARLIQ: Söyüdlü ilə bağlı yayılan dezinformasiya ictimai rəyi manipulyasiya etmək məqsədi daşıyır

Azərbaycan NATO-nun xeyriyyə tədbirində iştirak edib

Mesut Özer: SOCAR ilə əməkdaşlıqdan məmnunuq

Qazaxda yanğın hadisəsi baş verib, 3 ton ot yanıb VİDEO

Qazaxda yanğın hadisəsi baş verib, 3 ton ot yanıb VİDEO

“Qaraca qız” tamaşası yenidən Şəki səhnəsində məktəblilərə təqdim olunacaq

Cəlilabadda yaşayış evi yanaraq yararsız vəziyyətə düşüb

Türkiyəli deputat: Ölkələrimizin COP31-də də birgə iştirakı qardaşlığımızın növbəti təzahürüdür

Yeniyetmələrin IV Yay Olimpiya Oyunlarında iştirak edən Azərbaycan komandası Vətənə qayıdıb

COP30-dan COP31-ə velosipedlə gələn beynəlxalq qrup iqlim bayrağını Antalyaya çatdırıb

Müdafiə Nazirliyi həftəlik icmalı təqdim edib VİDEO

Müdafiə Nazirliyi həftəlik icmalı təqdim edib VİDEO

İran: AEBA ABŞ-nin və Avropanın bəzi ölkələrinin təsiri altındadır

ADSEA sədri Naxçıvanda bir sıra inzibati binalara baxış keçirib

AK Parti rəsmisi: Azərbaycan–Türkiyə qardaşlığının gələcək nəsillərə ötürülməsi ən mühüm vəzifələrimizdəndir

“Starship” təkrar istifadə edilən raket sınağından uğurla keçib və orbitdən eniş meydançasına qayıdıb

Ege Universitetinin rektoru: Azərbaycan universitetləri ilə daha sıx əməkdaşlıq etməyə hazırıq VİDEO

Ege Universitetinin rektoru: Azərbaycan universitetləri ilə daha sıx əməkdaşlıq etməyə hazırıq VİDEO

İordaniya məhkəməsi kilsədə terror aktı törədən üç nəfəri edam cəzasına məhkum edib

Dublin səfəri Azərbaycanın Avropa siyasətinin yeni istiqamətlər üzrə paralel şəkildə inkişaf etdiyini göstərdi – ŞƏRH

Sabah Bakıda və rayonlarda yağış yağacaq VİDEO

Sabah Bakıda və rayonlarda yağış yağacaq VİDEO

Rəsmi Tehran Körfəz ölkələrini ABŞ-nin İrana qarşı hərbi əməliyyatlarına logistik dəstək verməkdə ittiham edib

“The Wall Street Journal”: İran müharibəyə rəğmən 2500-ə qədər raketə malikdir

Bu saata olan əsas xəbərlər

Balakəndə əlilliyi olan şəxslərin əl işlərinin satış-sərgisi olub

Tədqiqat: Dünyanın bütün regionları 1,5°C istiləşmə həddinə yaxınlaşır

Bəhreyn İranın bir neçə hava hücumunun qarşısını aldığını bəyan edib

ÜST Avropanı əqli sağlamlığı iqlim fəaliyyətinin bir hissəsinə çevirməyə çağırıb

FHN təbii və texnogen xarakterli fövqəladə hadisələrlə bağlı maarifləndirmə tədbirləri keçirib

Fələstin Dövlətinin Prezidenti Zati-aliləri cənab Mahmud Abbasa

Şəkidə gənclər arasında intellektual yarış keçirilib

APEC-in zirvə toplantısında 12 lider iştirak edəcək

Birjalarda qızıl bahalaşıb, gümüş ucuzlaşıb

Dünya birjalarında neftin qiyməti müxtəlif istiqamətlərdə dəyişib

İsmayıllı “DOST Evi”nin 3 illik fəaliyyəti: 150 vətəndaşa xidmət, 80-dən çox layihə

SEPAH Hörmüz boğazında iki neft tankerinin minaya düşdüyünü açıqlayıb

İranda dəhşətli avtobus qəzası: 11 ölü, 19 yaralı

Ərəb Koalisiyası Ər-Riyada atılan iki ballistik raketi zərərsizləşdirib

Peskov Avropa nümayəndə heyətinin Moskva ilə təmas qurmadığını bildirib

Fransa Prezidenti Avropanın gələcək təhlükəsizlik sistemində Ukrayna və NATO-nun rolunu vurğulayıb

CENTCOM Hörmüz boğazından neft daşınması ilə bağlı hesabat yayıb

Vaşinqton Avropadan 25 min deyil, cəmi 5 min əsgər çıxarmağı planlaşdırır

Rusiya Böyük Teatrı 250 illik yubileyinə özəl səhnə əsərləri hazırlayıb

“SpaceX” tarixi uğura imza atdı: "Starship" gəmisi ilk dəfə "Mechazilla" platforması ilə tutuldu

ABŞ Prezidentinin nümayəndəsi: NATO Avropa təhlükəsizliyinin əsas dayağı olaraq qalacaq

İtaliyada məxfilik pozuntusuna görə "Meta" şirkətinə rekord cərimə tətbiq olunub

UEFA Millətlər Liqası: V turun oyunları çərçivəsində 8 qarşılaşma baş tutub

Kuşner Ukrayna üzrə son danışıqlarda yeni həll yollarının ortaya çıxdığını açıqlayıb

Norveçdə quş qripinin yayılması ilə əlaqədar 13 min quş məhv ediləcək

Azərbaycan gimnastlarından Çində uğurlu nəticə: bürünc medal və iki final vəsiqəsi

Leyla Əliyeva COP31 çərçivəsində bir sıra görüşlər keçirib

COP31-də Türk dünyası qadınlarının iqlim təşəbbüslərinə dair fikir mübadiləsi aparılıb