RƏSMİ SƏNƏDLƏR
Azərbaycan Respublikası Nazirlər Kabineti Qərar
№ 78
Bakı şəhəri, 9 aprel 2012-ci il
"Azərbaycan Respublikasının Ailə, Qadın və Uşaq Problemləri üzrə Dövlət Komitəsinin kollegiyasının tərkibi haqqında" Azərbaycan Respublikası Nazirlər Kabinetinin 2006-cı il 8 dekabr tarixli 261 nömrəli qərarında dəyişikliklər edilməsi barədə
Azərbaycan Respublikası Prezidentinin 2006-cı il 9 avqust tarixli 444 nömrəli Fərmanı ilə təsdiq edilmiş "Azərbaycan Respublikasının Ailə, Qadın və Uşaq Problemləri üzrə Dövlət Komitəsi haqqında Əsasnamə"nin 16-cı hissəsinə əsasən, Azərbaycan Respublikası Ailə, Qadın və Uşaq Problemləri üzrə Dövlət Komitəsinin təklifini nəzərə alaraq Azərbaycan Respublikasının Nazirlər Kabineti QƏRARA ALIR:
1. "Azərbaycan Respublikasının Ailə, Qadın və Uşaq Problemləri üzrə Dövlət Komitəsinin kollegiyasının tərkibi haqqında" Azərbaycan Respublikası Nazirlər Kabinetinin 2006-cı il 8 dekabr tarixli 261 nömrəli qərarının (Azərbaycan Respublikasının Qanunvericilik Toplusu, 2006, №12, maddə 1152; 2007, №6, maddə 702; 2010, №5, maddə 472) 1-ci hissəsi ilə təsdiq edilmiş "Kollegiyanın üzvləri"ndə aşağıdakı dəyişikliklər edilsin:
1.1. "Sofiyeva Aynur Məmmədiyyə qızı - Azərbaycan Respublikasının Ailə, Qadın və Uşaq Problemləri üzrə Dövlət Komitəsi sədrinin müavini" sözlərindən sonra "Seyidova Ramilə Mirabbas qızı - Naxçıvan Muxtar Respublikası Ailə, Qadın və Uşaq Problemləri üzrə Dövlət Komitəsinin sədri" sözləri əlavə edilsin;
1.2. "Musazadə Yeganə Tofiq qızı - Azərbaycan Respublikasının Ailə, Qadın və Uşaq Problemləri üzrə Dövlət Komitəsi Aparatının ümumi şöbəsinin müdiri" sözlərindən sonra "İbrahimova Taliyə Mövlüd qızı - Azərbaycan Respublikasının Ailə, Qadın və Uşaq Problemləri üzrə Dövlət Komitəsi Aparatının hüquqi təminat şöbəsinin müdiri" sözləri əlavə edilsin;
1.3. "Abasova Ayla Çingiz qızı" sözləri "Manafova Səbinə Afər qızı" sözləri ilə əvəz edilsin.
2. Bu qərar imzalandığı gündən qüvvəyə minir.
Azərbaycan Respublikasının Baş naziri Artur Rasi-zadə