Azərbaycan şahmatçısı məktəblilər arasında dünya çempionatında ikinci yeri tutub
Bakı, 27 aprel, AZƏRTAC
Antalyada keçirilən məktəblilər arasında şahmat üzrə dünya çempionatı başa çatıb.
AZƏRTAC xəbər verir ki, çempionatda Azərbaycan şahmatçılarından Süleyman Süleymanlı 6,5 xalla ikinci yeri tutub. Müxtəlif yaş kateqoriyalarında mübarizə aparan digər şahmatçılarımızdan ilk onluqda Murad İbrahimli (5 xal, 4-cü yer), Uğur İlyaslı (5,5 xal, 5-ci yer), Nərmin Nəsibova (5,5 xal, 6-cı yer), Xanım İsmayılova (5 xal, 6-cı yer), Murad Mehdizadə (6,5 xal, 7-ci yer), Lalə Hüseynova (5 xal, 10-cu yer) və Xəzər Babazadə (4,5 xal, 10-cu yer) qərarlaşıblar.
On iki qrup üzrə keçirilən yarışda 33 ölkədən 400-dən çox şahmatçı mübarizə aparıb. Azərbaycanı dünya çempionatında müxtəlif yaş qrupları üzrə 29 şahmatçı təmsil edib.
Bölmənin digər xəbərləri
