AZƏRBAYCAN SƏFİRLİYİNDƏ GÖRÜŞ

16.12.2006 [04:06]
Çap et
A⁺ A^-

AZƏRTAC-ın xüsusi müxbiri xəbər verir ki, Berlində fəaliyyət göstərən “Ocaq” cəmiyyəti idarə heyətinin üzvləri Azərbaycan Respublikasının Almaniyadakı səfirliyində görüş keçirmişlər. Səfir Pərviz Şahbazov cəmiyyət üzvlərini səmimi salamlayaraq respublikamızın ictimai-mədəni həyatında baş verən hadisələr, eləcə də 2008-ci ildə Almaniyada planlaşdırılan “Azərbaycan mədəniyyəti ili” barədə məlumat vermişdir.

“Ocaq” cəmiyyətinin sədri Hafiz Mahinaşqarnia cəmiyyətin təkcə Almaniyada deyil, ümumilikdə dünyada ən uzun müddət fəaliyyət göstərən cəmiyyətlərdən biri olduğunu bildirmişdir. “Ocaq” 1982-ci ildən fəaliyyət gstərir və 1988-ci ildə rəsmi qeydə alınmışdır. 2008-ci ildə “Ocaq” cəmiyyətinin 20 illik yubileyi tamam olur.

Görüşün sonunda səfir Azərbaycan tarixinə, ədəbiyyatına, dilinə və coğrafiyasına aid ədəbiyyatı və əlifba kitabını cəmiyyətə hədiyyə etmişdir. Məqsəd Berlində yaşayan azərbaycanlı məktəblilərin ana dilimizi mükəmməl öyrənməsi, tariximiz və coğrafiyamız haqqında mükəmməl məlumat əldə etməsidir. Cəmiyyət üzvləri səfirliyin bu addımını yüksək qiymətləndirmiş və Ana dilimizlə bağlı Bazar günü məktəbini təşkil etmək niyyətində olduqlarını bildirmişlər.

AZƏRBAYCAN SƏFİRLİYİNDƏ GÖRÜŞ

MÜƏLLİFLƏ ƏLAQƏ

Bölmənin digər xəbərləri