AZƏRBAYCANDA BÜDCƏ XƏRCLƏRİ ARTIR
Azərbaycanın 2005-ci il üçün dövlət büdcəsinin xərcləri ABŞ dolları ilə ifadədə 2 milyard 30 milyonu keçmişdir ki, bu da 2004-cü illə müqayisədə 456,0 milyon dollar artım deməkdir.
Maliyyə naziri Əvəz Ələkbərov AZƏRTAC-a bildirmişdir ki, aparılan islahatlar nəticəsində adambaşına büdcə xərcləri son 5 ildə 2,4 dəfə artaraq, 1,2 milyon manata və ya 244 ABŞ dollarına çatmışdır.
Adambaşına düşən büdcə xərclərinə görə Azərbaycan Moldovadan 172 dollar, Qırğızıstandan və Tacikistandan 175, Ermənistandan 65, Gürcüstandan 91, Ukraynadan isə 15 dollar irəlidədir.
Bölmənin digər xəbərləri
