AZƏRBAYCANDA İLK DƏFƏ NƏŞR OLUNMUŞDUR
“Ulduz” nəşriyyatı görkəmli alım Nəsirəddin Tusi Məhəmməd ibn Həsənin “Təhriri-Öqlidis” (Evklidin şərhi) əsərini Azərbaycan dilində nəşr etmişdir.
Dahi alimin 800 illik yubileyi ilə əlaqədar YUNESKO-nun maliyyə yardımı ilə ölkəmizdə ilk dəfə nəşr olunan bu əsər dünyada həndəsə elminin inkişafına böyük təkan vermişdir. Nəsirəddin Tusi bu kitabda özünəqədərki həndəsəyə, riyaziyyata aid teoremləri, aksiomları bir daha nəzərdən keçirib onlara ətraflı şərh vermişdir.
Azərbaycan Milli Elmlər Akademiyasının müxbir üzvü, N.Tusi adına Şamaxı Astrofizika Rəsədxanasının direktoru Əyyub Quliyevin ön söz yazdığı on beş fəsildən ibarət olan bu kitabı ərəb dilindən Həsən Zərrinzadə çevirmişdir. Kitabın elmi redaktoru fizika-riyaziyyat elmləri namizədi Əli Babayevdir.
Kitab universitetlərin riyaziyyat fakultələrində təhsil alan tələbələr, riyaziyyatçı alimlər, elm tarixi ilə məşğul olanlar və Tusişünaslar üçün qiymətli vəsaitdir.
Bölmənin digər xəbərləri
