AZƏRBAYCANIN DAŞKƏNDDƏKİ SƏFİRLİYİNDƏ GÖRÜŞ OLMUŞDUR

29.05.2004 [22:35]
Çap et
A⁺ A^-

Azərbaycanın Özbəkistandakı səfirliyində Respublika günü münasibətilə bayram tədbiri keçirilmişdir. Mərasimdə Daşkəndin ali məktəblərində təhsil alan 200-dən çox azərbaycanlı tələbə iştirak etmişdir.

Ölkəmizin Özbəkistandakı səfiri Aydın Əzimbəyov tələbə soydaşlarımızı təbrik etmiş, Azərbaycan Demokratik Cümhuriyyətinin tarixindən söhbət açmışdır.

Sonra səfir ümummilli liderimiz Heydər Əliyevin hakimiyyətə qayıdışından sonra görülən işlərdən danışaraq, “Əsrin müqaviləsi”nin imzalanması, Böyük İpək yolunun dirçəldilməsi, Bakı-Tbilisi-Ceyhan, Bakı-Tbilisi-Ərzurum layihələrinin məhz Heydər Əliyevin adı ilə bağlı olduğunu bildirmişdir.

Mərasimin sonunda tələbələr Azərbaycan Prezidenti İlham Əliyevə müraciət qəbul etmişlər.