“AZGERNEFT” : NEFT VƏ QAZ HASİLATI
“Ramana” yatağında neft quyularının istismarı ilə məşğul olan “Azgerneft” (Azərbaycan-Almaniya) müştərək müəssisəsi 2004-cü ilin yanvar-aprel aylarında proqnozdan 6600 ton çox, yəni 19360 ton xam neft hasil etmişdir. Bu isə əvvəlki ilin müvafiq dövründəkinə nisbətən 105,6 faiz artım deməkdir.
Dövlət Neft Şirkətindən AZƏRTAC-ın müxbirinə bildirmişlər ki, müəssisə tərəfindən ötən dörd ayın ərzində nəzərdə tutulan qədər- 260 min kubmetr təbii qaz çıxarılmışdır. Keçən ilin eyni dövrü ilə müqayisədə bu il neftçilər qaz hasilatında 55,1 faiz artıma nail olmuşlar.
Bölmənin digər xəbərləri
