Bakı, 26 aprel (AZƏRTAC). Bakı Banklararası Valyuta Birjasının elektron hərraclar sistemində (BEHS) aprelin 25-də keçirilmiş hərracların yekunlarına görə, USD/AZN orta hesablanmış birja məzənnəsi 1 dollar üçün 0,7836 AZN-ə bərabər olmuşdur. 

Birjanın informasiya-təhlil şöbəsindən AZƏRTAC-a bildirmişlər ki, elektron hərraclar sistemində (BEHS) səhər sessiyasının açılışında USD/AZN məzənnəsi 1 dollar üçün 0,7836 AZN-ə bərabər idi.

Səhər sessiyasında USD/AZN T+0 aləti üzrə əqdlər qeydə alınmamışdır.

Səhər sessiyasının orta hesablanmış məzənnəsi 1 dollar üçün 0,7836 AZN təşkil etmişdir.

Gündüz sessiyasında USD/AZN T+0 aləti üzrə 2.066.373 AZN-ə bərabər məbləğ qeydə alınmışdır. Gündüz sessiyasının orta hesablanmış məzənnəsi 1 dollar üçün 0,7836 AZN təşkil etmişdir.

Beləliklə, hər iki sessiyanın yekunlarına görə hərracların ümumi məbləği 2.634.000 dollar, yaxud 2.066.373 manat təşkil etmişdir.

SWAP_USD/AZN, USD/AZN T+1, T+2 alətləri üzrə əqdlər bağlanmamışdır.

EUR/AZN aləti üzrə 340.000 EUR məbləğində əqd qeydə alınmışdır. Orta hesablanmış məzənnə 1 EUR üçün 1,0231 AZN qeydə alınmışdır.

BEHS-də RUB/AZN aləti üzrə sifarişlər verilməmişdir.

EUR/USD_TOD və EUR/USD_TOM alətləri üzrə bank sifarişləri verilmiş, lakin bu alətlər üzrə əqdlər bağlanmamışdır.

BEHS sistemi çərçivəsində fəaliyyət göstərən banklararası kredit bazarında market-meykerlər tərəfindən verilən sifarişlər əsasında hesablanan BakiBOR indeksi 90 günlük alətlər üzrə manatla illik 10,92 faiz, ABŞ dolları üzrə isə 11,93 faiz təşkil etmişdir.

Birjada banklar arasında kredit alətləri üzrə əqdlər aprelin 25-də qeydə alınmamışdır.