BAKIDA BEYNƏLXALQ SƏRGİ KEÇİRİLƏCƏKDİR
Dövlət Gömrük Komitəsindən AZƏRTAC-a bildirmişlər ki, 2005-ci ilin mayında Bakıda beynəlxalq sərginin təşkili nəzərdə tutulmuşdur. Bu barədə Dünya Gömrük Təşkilatının (DGT) baş katibi Mişel Dane ilə komitənin sədri Kəmaləddin Heydərov arasında razılıq əldə olunmuşdur. DGT və İnterpolun iştirak edəcəyi sərgidə gömrük, təhlükəsizlik üzrə texnologiyalar nümayiş etdiriləcəkdir.
