BAKIDA İLK RAMAZAN ÇADIRI QURULDU
AZƏRTAC xəbər verir ki, türk iş adamlarının maliyyə vəsaiti, Nərimanov Rayon İcra Hakimiyyətinin dəstəyi və “Zaman-Azərbaycan” qəzetinin təşkilatçılığı ilə paytaxtın Atatürk parkında müqəddəs Ramazan ayı münasibətilə iftar çadırı qurulmuşdur. 300 nəfərdən çox əlil, şəhid ailəsi, tənha və kimsəsiz dindarın, müharibə və əmək veteranlarının, parka istirahətə gələnlərin iştirakı ilə keçirilən mərasimdə qardaş Türkiyədə çoxdan davam edən bu ənənənin ölkəmizdə də özünə yer tapması, belə xeyirxah işin Ramazanın sonuna kimi davam etdirilməsi təşəbbüsü bəyənilmişdir.
Mərasimdə Quran ayələri oxunmuş, müqəddəs günlər xatirinə xalqımızın və türk dünyasının firavan həyatı naminə Allaha dualar edilmişdir.
