BAKIDA İQTİSADİ FORM KEÇİRİLƏCƏK
Stavropol vilayəti qubernatorunun rəhbərlik etdiyi nümayəndə heyətinə vilayət hökumətinin üzvləri, deputatlar və 35-ə yaxın iş adamı daxildir.
Səfər müddətində bir sıra rəsmi görüşlərlə yanaşı, Stavropolun və Azərbaycanın iş adamlarının iştirakı ilə Bakı Biznes Mərkəzində iqtisadi forum keçiriləcəkdir.
Forumda Stavropol vilayəti kənd təsərrüfatı (taxıl, un və s.), yeyinti sənayesi (günəbaxan yağı, ət və ət məhsulları, süd məhsulları və s.), cihazqayırma, maşınqayırma, kimya sənayesi, əczaçılıq sənayesi, ictimai iaşə və ticarət müəssisələrinin nümayəndələri ilə təmsil olunacaqdır.
İki gün davam edəcək tədbir çərçivəsində Stavropol vilayəti nümayəndə heyətinə daxil olan turizm və sanatoriya–kurort biznesi sahəsində fəaliyyət göstərən şirkətlərin azərbaycanlı həmkarları ilə birlikdə seminarının keçirilməsi də nəzərdə tutulur.
Bölmənin digər xəbərləri
