BAKIDA YENİ ÜNVAN: HEYDƏR ƏLİYEV PROSPEKTİ
Həmin sərəncamla, müstəqil Azərbaycan dövlətinin qurucusu Heydər Əliyevin ölkəmizin tarixindəki misilsiz və müstəsna xidmətlərini nəzərə alaraq, Bakı şəhərində metronun “Məşədi Əzizbəyov” stansiyası dairəsindən Ələddin Quliyev küçəsinə qədər (Səttarxan adına maşınqayırma zavodunun yanındakı dairəyədək) olan prospektə “Heydər Əliyev prospekti” adı verilmişdir.
Bakı Şəhər Mənzil-Kommunal Təsərrüfatı Departamentinə tapşırılmışdır ki, Heydər Əliyev prospektində yeni ünvan lövhələrinin vurulmasını təmin etsin.
X X X
Şəhər icra hakimiyyəti başçısının 15 iyun tarixli digər sərəncamı ilə Bakını respublikamızın şimal rayonları ilə birləşdirən avtomagistralın Xırdalan dairəsindən Alı Mustafayev və Müzəffər Həsənov küçələrinə qədər olan hissəsi “Moskva prospekti” adlandırılmış və burada müvafiq ünvan lövhələrinin vurulması barədə tapşırıq verilmişdir.
Bölmənin digər xəbərləri
