REGİONLAR
Barama İnnovasiya və Sahibkarlıq Mərkəzi Gəncədə “Sahibkarlıq” mövzusunda konfrans keçirəcək
![Barama İnnovasiya və Sahibkarlıq Mərkəzi Gəncədə “Sahibkarlıq” mövzusunda konfrans keçirəcək](/files/2018/3/1200x630/15446965101667658186_1200x630.jpg)
Gəncə, 13 dekabr, Rauf Hacıyev, AZƏRTAC
Barama İnnovasiya və Sahibkarlıq Mərkəzinin təşkilatçılığı ilə dekabrın 19-da Gəncə şəhərində "Sahibkarlıq” konfransı keçiriləcək.
Azərbaycan Texnologiya Universitetindən AZƏRTAC-ın bölgə müxbirinə bildirilib ki, konfransın təşkilində məqsəd uğur qazanmış mütəxəssislərə öz bilik, bacarıq və təcrübələrini tələbələrlə paylaşmaq imkanı yaratmaqdır.
Əsas hədəf gələcəkdə biznes sahəsi üzrə mütəxəssis olmağı planlaşdıran gənclərə maraqlı və faydalı məlumatlar ötürməkdir.
Konfransda “Müasir təhsil texnologiyaları və onların tətbiqi”, “4-cü texnoloji inqilab və innovasiyalar”, “Gələcək üçün bu gün nə etməli?”, “Özünə inam və motivasiya”, “Aqrar sahədə innovativ həllərin tətbiqində aqroparkların rolu” və digər mövzularda məruzələr dinləniləcək.