Barselonada cinayətkarlıq artır
Madrid, 1 may, AZƏRTAC
Barselonada oğurluq və qarət hallarının çoxalması hakimiyyət orqanlarını narahat edir.
AZƏRTAC “La Vanguardia” qəzetinə istinadla xəbər verir ki, Kataloniya paytaxtında hər gün təqribən 300 belə cinayət qeydə alınır. Eyni zamanda, bu cür işlərin yalnız ondabir hissəsinə aid təhqiqatlar aparılır, çünki hüquq-mühafizə orqanları bu qədər çoxsaylı hüquq pozuntularının öhdəsindən gəlməyə macal tapmır.
Hakim Merse Kasonun sözlərinə görə, Barselonada cinayətkarlığın artmasının səbəblərini aydınlaşdırmaq, onun belə geniş miqyas almasının nə ilə bağlı olmasını və cibgirlərə qarşı mübarizədə polis tərəfindən görülən tədbirlərin nə üçün qənaətbəxş nəticə verməməsini təhlil etmək lazımdır.
Nigar Cəfərli
AZƏRTAC-ın xüsusi müxbiri
Madrid
Bölmənin digər xəbərləri
