Baş katib: 5 TRASECA ölkəsi rəqəmsal model hazırlamağı hədəfləyir
BAKI, 21 noyabr, AZƏRTAC
Dəmir yolları sahəsinə aid olan tərəfdaşlarla elektron qaimənin tətbiqi ilə bağlı müzakirələr aparılıb.
AZƏRTAC xəbər verir ki, bunu TRASECA-nın Baş katibi Aset Asavbayev Bakıda Mərkəzi Asiya Ölkələrinin İqtisadiyyatları üçün BMT-nin (UN) Xüsusi Proqramının (SPECA) Həftəsi çərçivəsində “SPECA regionunun qlobal miqyaslı rabitə qovşağına çevrilməsi” mövzusunda keçirilən iqtisadi forumda deyib.
Onun sözlərinə görə, birgə işin nəticəsi olaraq bu ilin mayında beş TRASECA ölkəsi memorandum imzalayıb. "Bu, elektron CMR-lə bağlı olan razılaşmadır. Bunun əsasında İşçi Qrupu formalaşdırılıb və tədbirlər planı razılaşdırılıb. Burada bir sıra hüquqi, texniki, təşkilatı işlərin görülməsi planlaşdırılır. Hazırda alt qrupu informasiya texnologiyaları ekspertləri rəqəmsal model hazırlamağı hədəfləyir", - o qeyd edib.
Bölmənin digər xəbərləri
