BAŞ TUTMAMIŞ FIRILDAQ
AZƏRTAC Rusiya Federasiyası Baş Prokurorluğunun rəsmi internet saytına istinadla xəbər verir ki, Rusiyanın Həştərxan Vilayətində nadir təsadüf olunan bir hadisə baş vermişdir.
«Astraxanprombank» (“Həştərxan sənaye bankı”) ASC şəbəkə texnologiyaları və hesablama texnikası şöbəsinin müdiri Aleksandr Krılov xidməti mövqeyindən istifadə edərək, saxta sənədlər əsasında «Rosselxozbank» («Rusiya Kənd Təsərrüfatı Bankı») ASC-nin hesabından Sankt-Peterburq şəhərində yerləşən üç müxtəlif kommersiya firmasının hesabına 20 milyon rubl vəsait keçirməyə cəhd etmişdir. O, «Rosselxozbank» ASC-nin lokal şəbəkəsinə müdaxilə edərək, müvafiq mühasibat sənədlərində düzəlişlər etmişdir. Lakin həmin sənədlər pulların köçürülməsi üçün Rusiya Mərkəzi Bankının Həştərxan Vilayəti üzrə İdarəsinə daxil olduqdan sonra məbləğin böyüklüyü əməkdaşlardan birində şübhə doğurmuşdur. Daha sonra isə məsələyə hüquq mühafizə orqanları qarışmalı olmuşlar.
Həştərxan Şəhər Kirov Rayon Məhkəməsi A.Krılovu 5 il 6 ay müddətinə azadlıqdan məhrum etmiş və onun 2 il müddətinə istənilən növ hesablayıcı elektron maşınlarında işləməsinə qadağa qoymuşdur.
Bölmənin digər xəbərləri
