BAVARİYADA SÜRƏT QATARI QƏZAYA UĞRAMIŞDIR
AZƏRTAC-ın xüsusi müxbiri xəbər verir ki, Münxen yaxınlığında sürət qatarı qəzaya uğramışdır. Qəzanın terror aktı olması ehtimal edilir.
Frankfurt-Mayn-Zaltsburq istiqamətində saatda 250 kilometr sürətlə hərəkət edən, içərisində 300-dən artıq sərnişin olan qatar Münxen yaxınlığında relslərdən çıxaraq torpaq üzərində bir kilometrdən artıq sürüşmüş, çöl və meşəliklərə daxil olaraq hərəkəti davam etdirmiş, qarşıya çıxan hər şeyi dağıdaraq aşmamış və nəhayət dayanmışdır.
Relslər üzərində qoyulmuş yad əşya sürət qatarının relslərdən çıxmasına səbəb olmuşdur.
Polisin qəza yerindən verdiyi ilkin məlumatlara görə, qatar ciddi dağıntılara məruz qalmışdır. İnsan tələfatı olmasa da, sərnişinlərdən 12 nəfər ağır yaralanmışdır. Onlar xəstəxanalara çatdırılmışdır.
Qatarın qəzaya uğramasının səbəbi və dəymiş ziyan araşdırılır.
Bölmənin digər xəbərləri
