BƏD ƏMƏLLƏRİNDƏN ƏL ÇƏKMİRLƏR
Daxili İşlər Nazirliyinin mətbuat xidmətindən AZƏRTAC-a verilən məlumata görə, Narkotiklərlə Mübarizə Baş İdarəsi və Biləsuvar Rayon Polis Şöbəsi əməkdaşlarının keçirdiyi birgə əməliyyat nəticəsində, rayon sakini Azadxan Hüseynova məxsus “VAZ-2107” markalı avtomaşından 1,43 qram heroin, 33,22 qram tiryək, onun evinə baxış zamanı isə 9,204 qram heroin aşkar edilmişdir.
Binəqədi Rayon Polis İdarəsi 5-ci bölməsinin işçiləri Bakı şəhər sakini, əvvəllər məhkum olunmuş Rəşad Hüseynovdan 0,272 qram, Quba Rayon Polis Şöbəsinin əməkdaşları isə əvvəllər məhkum olunmuş Etibar Abbasovdan 0,286 qram heroin götürmüşlər.
Faktlarla bağlı cinayət işi açılmışdır.
Bölmənin digər xəbərləri
