Belçika pasportu ilə 183 ölkəyə vizasız getmək olar
Brüssel, 31 iyul, AZƏRTAC
Şengen zonasında səyahət etmək rahatdır, lakin əgər bu zonadan kənara çıxmaq istəsəniz, çətinliklər yarana bilər. Belçika pasportu bu ölkənin vətəndaşlarına dünyanın 183 ölkəsinə vizasız getmək imkanı təmin edir. Beləliklə, Belçika və Böyük Britaniya pasportların dünya reytinqində altıncı yerdədirlər.
AZƏRTAC “Henley Passport Index”ə istinadla xəbər verir ki, Belçika və Böyük Britaniyadan irəlidə 15 ölkə var. Məsələ burasındadır ki, bir neçə ölkə eyni yeri tuta bilər. Məsələn, Yaponiya və Sinqapur siyahıda birinci yeri tutur. Bu ölkələrin pasportları onların vətəndaşlarının 189 ölkəyə vizasız getmələrinə imkan verir. İkinci yeri Koreya, Almaniya və Finlandiya tutur. Bu ölkələrin vətəndaşları 187 ölkəyə sərbəst gedə bilirlər.
Pərvanə Qarayeva
AZƏRTAC-ın xüsusi müxbiri
Brüssel
Bölmənin digər xəbərləri
