RƏSMİ SƏNƏDLƏR
“Bələdiyyələrin əraziləri və torpaqları haqqında” Azərbaycan Respublikasının Qanununa əlavə edilmiş “Azərbaycan Respublikasında bələdiyyələrin siyahısı”nda dəyişikliklər və əlavə edilməsi barədə
Azərbaycan Respublikasının Qanunu
Azərbaycan Respublikasının Milli Məclisi qərara alır :
I. “Bələdiyyələrin əraziləri və torpaqları haqqında” Azərbaycan Respublikasının Qanununa (Azərbaycan Respublikasının Qanunvericilik Toplusu, 1999-cu il, № 12, maddə 689; 2001-ci il, № 11, maddə 677; 2002-ci il, № 5, maddə 237; 2003-cü il, № 6, maddə 273, № 8, maddə 419; 2004-cü il, № 7, maddə 522, № 10, maddə 784, № 12, maddələr 982, 987; 2005-ci il, № 4, maddə 283, № 10, maddə 884; 2007-ci il, № 3, maddə 212, № 11, maddə 1051; 2008-ci il, № 5, maddələr 346, 347, № 8, maddə 708, № 11, maddə 959; 2009-cu il, № 4, maddə 214, № 7, maddələr 503, 511, № 10, maddə 770, № 12, maddə 963; Azərbaycan Respublikasının 2010-cu il 22 iyun tarixli 1056-IIIQD nömrəli Qanunu) əlavə edilmiş “Azərbaycan Respublikasında bələdiyyələrin siyahısı”nda aşağıdakı dəyişikliklər və əlavə edilsin:
1. “Əzizbəyov rayonu” bölməsinin adında “Əzizbəyov” sözü “Xəzər” sözü ilə əvəz edilsin;
2. “Goranboy rayonu” bölməsinin 23.27-ci sırası çıxarılsın;
3. “Naftalan şəhəri” bölməsinə aşağıdakı məzmunda 4.2-ci sıra əlavə edilsin:
“4.2. Qaşaltı Qaraqoyunlu bələdiyyəsi - Qasımbəyli və Qaşaltı Qaraqoyunlu kəndləri”.
İlham Əliyev
Azərbaycan Respublikasının Prezidenti
Bakı şəhəri, 30 sentyabr 2010-cu il.