BƏRDƏ PAMBIQÇILARI YIĞIMA BAŞLAMIŞLAR
“Qarabağ–Pambıq” Açıq Səhmdar Cəmiyyətinin sədri Qabil Süleymanov AZƏRTAC-ın müxbirinə bildirmişdir ki, bu il 6 min 500 hektar sahəyə çiyid səpilmişdir. Bu, ötən ildəkindən 800 hektar çoxdur.
Sahələrdə əsasən “Muğan-395”, “Ağ qızıl”, “30-38” və digər yüksək məhsuldar sortlar əkilmişdir. Aqrotexniki tədbirlər nəticəsində sahələrdə bol məhsul yetişdirilmişdir. Pambıqçılar hərtərəfli hazırlıqla yığıma başlamışlar. 1500 nəfər fermerlə müqavilə bağlanmış və məhsulu daşımaq üçün kifayət qədər nəqliyyat vasitəsi ayrılmışdır.
Rayonda məhsul yığımını qısa müddətdə başa çatdırmaq qərara alınmışdır.
X X X
Ağdam, Ağcabədi, Yevlax, Tərtər və Beyləqan rayonlarında da pambıq yığımına mütəşəkkil hazırlıqla başlanmışdır.
Bölmənin digər xəbərləri
