BƏRDƏDƏ MÜŞAVİRƏ KEÇİRİLMİŞDİR

27.05.2004 [13:10]
Çap et
A⁺ A^-

AZƏRTAC-ın müxbiri xəbər verir ki, Bərdədə “2004-2008-ci illərdə Azərbaycan Futbol Federasiyaları Assosiasiyası Proqramı”na həsr olunmuş müşavirə keçirilmişdir. Müşavirədə Ağdam, Tərtər, Bərdə, Ucar, Fizuli, Zərdab, Cəbrayıl, Goranboy rayonları icra hakimiyyəti başçılarının müavinləri, təhsil şöbələrinin müdirləri, Gənclər, İdman və Turizm idarələrinin rəisləri “Qarabağ” Regional Futbol Federasiyasının rəhbərləri, futbol mütəxəssisləri iştirak etmişlər.

AFFA-nın prezidenti Ramiz Mirzəyev Azərbaycan Prezidenti İlham Əliyevin ölkədə idmanın, o cümlədən futbolun inkişafına böyük diqqət yetirdiyini bildirmiş, respublikada futbolun mövcud vəziyyəti barədə məlumat vermişdir. O, bu idman növünün inkişafı üçün əlverişli şəraitin olduğunu diqqətə çatdırmışdır.

Görüşdə qarşılıqlı maraq doğuran məsələlər müzakirə olunmuş, konkret təkliflər irəli sürülmüşdür.