Bərdədə yeni meşələr salınır
Bərdə, 28 noyabr (AZƏRTAC). Bərdə rayonunda meşələrin mühafizəsi və bərpası daim diqqət mərkəzində saxlanılır.
Bərdə Rayon Meşə Mühafizəsi və Bərpası Müəssisəsindən AZƏRTAC-a bildirmişlər ki, bu ilin yazında 30 hektar sahədə akasiya, palıd, iydə, nar və digər ağac növlərindən ibarət yeni meşələr salınmışdır. Daha 0,5 hektar sahədə 26 min ədəd şitil basdırılmış, 0,5 hektarda (15 min ədəd) böyütmə sahəsi yaradılmışdır. Bununla yanaşı 5,47 hektar sahədə toxum səpilmiş, 1656 kiloqram toxum tədarük edilmişdir.
Noyabrın 1-dən yeni meşə əkinlərinə başlanılmış və 20 hektarda sərv, tut, akasiya, palıd, iydə və digər ağac növlərindən ibarət yeni meşələr salınmışdır. Hazırda yeni meşələrin salıması davam etdirilir. İlin sonunadək daha 40 hektarda yeni meşələrin salınması nəzərdə tutulmuşdur.
Bölmənin digər xəbərləri
