BƏRƏ TERMİNALI ƏSASLI TƏMİR OLUNUR
Limandan AZƏRTAC-ın müxbirinə bildirmişlər ki, Bakı-Türkmənbaşı-Bakı və Bakı-Aktau-Bakı bərə xətlərinə xidmət edən bu terminal 1961-ci ildən ötən dövrdə əsaslı təmir olunmamışdır. Bu vəziyyəti və bərə xətlərində yüklərin həcminin daim artmasını nəzərə alan liman rəhbərliyi terminalın bir hissəsini əsaslı təmirə dayandırmışdır. Hazırda körpünün bir tərəfi təmir edilir, digər tərəfi isə yükləri qəbul edib yola salır. Cari ilin sonuna kimi terminalın birinci hissəsinin təmiri başa çatdırılacaq və ikinci hissənin təmirinə başlanacaqdır.
Əsaslı təmir işləri qurtarandan sonra terminalda yükdaşıma həcminin 2 dəfə artacağı gözlənilir.
Bölmənin digər xəbərləri
