Naməlum şəxsin Berlinin Kroysberq rayonunda atəş açması nəticəsidə üç nəfər həlak olmuş, bir nəfər isə ağır yaralanmışdır. Polisin məlumatına görə, naməlum kişi küçədə, restoranın girişində bir qadını güllələmişdir. Bundan sonra o, yaxınlıqdan keçən velosipedçiyə atəş açmış və o yerindəcə ölmüşdür. Qatil cinayət törətdiyi yerdən qaçıb gizlənməyə cəhd göstərmişdir. Lakin polis məmuru onun yolunu kəsmişdir. Atışma zamanı cinayətkar öldürülmüş, lakin bundan əvvəl o, asayiş keşikçisini ağır yaralaya bilmişdir. Polis qatilin şəxsiyyətini və faciənin baş verdiyi şəraiti müəyyənləşdirir. Bu xəbər AZƏRTAC-a İTAR-TASS-dan daxil olmuşdur.