Beyləqanda yeni meşələr salınır
Beyləqan, 4 noyabr (AZƏRTAC). Beyləqan rayonunda meşələrin mühafizəsi və bərpası daim diqqət mərkəzində saxlanılır.
Beyləqan rayon Meşə Mühafizəsi və Bərpası Müəssisəsindən AZƏRTAC-a bildirmişlər ki, cari ilin yaz mövsümündə 30 hektar sahədə yeni meşələr salınmış, 75 hektar meşədə bərpa işləri aparılmışdır. Kökləndirmək üçün 1 hektar sahədə 50 min qələm basdırılmış, 3 hektar sahədə 120 min sərv və digər enliyarpaqlı ağaclardan ibarət böyütmə sahəsi yaradılmışdır. 3,1 hektar sahədə tinglik səpilmiş, 243 kiloqram toxum tədarük edilmişdir.
Noyabrın 1-dən yeni meşə əkinlərinə başlanılmışdır. İlin sonunadək daha 70 hektar sahədə palıd, qarağac, göyrüş, akasiya və digər ağac cinslərindən ibarət yeni meşələrin salınması nəzərdə tutulmuşdur.
Bölmənin digər xəbərləri
