BIÇAQLA XƏSARƏT YETİRMİŞLƏR
Daxili İşlər Nazirliyinin mətbuat xidmətindən AZƏRTAC-a bildirmişlər ki, Sumqayıt şəhər sakini Kənan Quliyev paytaxtın Nəsimi rayonundakı H.B.Əliyev küçəsində Bakı şəhər sakini Nicat Abışova bıçaqla xəsarət yetirmişdir.
Nəsimi Rayon Polis İdarəsinin 19-cu polis bölməsi əməkdaşlarının keçirdikləri əməliyyat tədbirləri nəticəsində K.Quliyev tutularaq istintaq orqanlarına təhvil verilmişdir.
Yasamal Rayon Polis İdarəsinin 29-cu polis bölməsinin əməkdaşları isə Elnur Bağırova və Qalib Hüseynova bıçaqla xəsarət yetirmiş Zirə kənd sakini Fuad Şirinov və Qala kənd sakini Səbuhi İsgəndərovu tutmuşlar.
Faktlarla bağlı cinayət işi açılmış, araşdırmalar aparılır.
Bölmənin digər xəbərləri
