“BİNƏ” TİCARƏT MƏRKƏZİNDƏ YANĞIN
Dekabrın 12-də gecə saat 01.13 dəqiqədə Baş Dövlət Yanğın Təhlükəsizliyi İdarəsinin növbətçi hissəsinə Əzizbəyov rayonu ərazisində yerləşən “Binə” ticarət mərkəzində yanğın baş verməsi barədə məlumat daxil olmuşdur.
İdarədən AZƏRTAC-a bildirmişlər ki, hadisə yerinə dərhal 12 yanğınsöndürən maşın göndərilmişdir. Ticarət mərkəzində 3 ədəd topdansatış mağazasının tezalışan konstruksiyaları, daxilində olan geyim və elektrik-məişət avadanlığı yanmışdır. 150 kvadratmetr sahəni əhatə edən yanğını saat 3.59 dəqiqədə söndürmək mümkün olmuşdur. Hazırda yanğının baş vermə səbəbi, mağazaların sahibləri və dəyən ziyanın miqdarı müəyyənləşdirilir.
Bölmənin digər xəbərləri
