Binəqədidə ekotəlim keçirilib
Bakı, 10 oktyabr, AZƏRTAC
Binəqədi rayonu ərazisində yaxın vaxtlarda başlanılacaq “Ümumrayon yaşıllaşdırma marafonu”nun layihəsinin ilk ekotəlimi keçirilib.
Rayon icra hakimiyyətindən AZƏRTAC-a verilən məlumata görə, tədbirdə rayon Gənclər və İdman İdarəsinin rəis müavini Sevinc Süleymanova Gənclər Evində həmin mövzuda mütəmadi olaraq tədbirlər keçiriləcəyini söyləyib.
Rayon icra hakimiyyətinin ictimai-siyasi və humanitar məsələlər şöbəsinin baş məsləhətçisi Leyla Kərimova “Ümumrayon yaşıllaşdırma marafonu” layihəsi haqqında gənclərə məlumat verərək ətraf mühitin qorunmasının vacibliyi barədə danışıb.
“Ümumrayon yaşıllaşdırma marafonu”nun ideya müəllifi Həmidə Əşrəfova layihənin məqsədi və Yeni Azərbaycan Partiyası rayon təşkilatı Gənclər Birliyinin sədri Fəsli Nəbiyev bu sahədə həyata keçirilən tədbirlər haqqında məlumat veriblər.
Çıxışlardan sonra ekoloq Amin Məmmədov “Ekologiyanın qorunmasının vacib amilləri”, “Ətraf mühit və biz” və digər mövzularda təlim keçib. Təlim zamanı gənclər üçün interaktiv və praktik tapşırıqlar təşkil edilib.
Bölmənin digər xəbərləri
