“BİQMAK” 40 YAŞINI QEYD EDİR
AZƏRTAC xarici KİV-lərə istinadla xəbər verir ki, “Makdonalds”ın təqdim etdiyi “BiqMak” buterbrodlarının 40 yaşı tamam olur. Bu illər ərzində onun resepti dəyişməmişdir. İki bulka və iki kotletdən ibarət buterbrod o qədər məşhurdur ki, dünyada dolların məzənnəsi bəzən onun qiyməti əsasında - “BiqMak” indeksi ilə hesablanır.
Cim Delliqattinin icad etdiyi “BiqMak” ilk dəfə 1967-ci ildə Yuniontaun şəhərciyindəki “Makdonalds”da satışa çıxarılmışdır. Buterbrodun yubileyi böyük təntənə ilə qeyd olunur. 89 yaşlı Delliqattinin açdığı “Makdonalds” muzeyində hündürlüyü 4,3 metr, eni 3,6 metr olan buterbrod abidəsi qoyulmuşdur.
Amerika kulturoloqları üçqat bulkanı ölkənin rəmzləri siyahısına daxil etmişlər.
Bölmənin digər xəbərləri
